હજુ હમણાં જ ફ્રેન્ડશીપ ડે ગયો, બધા એ પોતાના જુના કે સાથેના દોસ્તારુંને યાદ કરી લીધા. દોસ્તો સાથે આપણી કેટલી યાદો જોડાયેલી હોઈ છે, નઈ ! તો વાંચો આવી જ ખાટીમીઠી અમારા JVians મિત્રોની દોસ્તો વિશે ની વાતો.
---------------------------------
Ankit sadariya patel:
બધા લોકો પોતાના 4-5 બેસ્ટ ફ્રેન્ડ વિષે લખે છે , મારે તો એવું છે ડૅશ વિષે લખું તો બીજા 10 ને ખોટું લાગી જાય.
તો પણ અલગ અલગ ઉંમરે મળેલ અલગ અલગ ફ્રેન્ડ્સ છે
પ્રાઈમરી ના 3 ખાસ ફ્રેન્ડ કે જે હું ચોથા ધોરણ માં હતો ત્યારથી મારુ સેટિંગ કરાવવા ની ટ્રાય કરતા
પછી હાઈસ્કૂલ ના ફ્રેન્ડ કે જેની સાથે 2 વરસ હું ક્રિકેટ જ રમ્યો છું
પછી દશમાં ધોરણ માં સ્કૂલ બદલાવી હોઈ , એના ખાસ ફ્રેન્ડ કે જે સારા કોન્ટેક્ટ માં છે , જયારે એકલું લાગે કે વાત કરવાનું મન થઇ ત્યારે બેધડક વાત કરી શકું। એક વર્ષ જ સાથે ભણ્યા હોવા છતાં છેલ્લા 10 વર્ષ થી કોન્ટેક્ટ માં છે। ફ્રેન્ડ જ નહિ ફેમિલી બની ચુક્યા છે
પછી 11-12 માં ફ્રેન્ડ્સ બનેલા જેમાં 3-4 જયારે પણ મળી જાય ફૂલ ટુ કોમેડી !
કોલેજ ફ્રેન્ડ્સ , અમારું 12 જણા નું ગ્રુપ હતું , બધા ખાસ , રોજ રાતે રાજકોટ કોટેચા ચોક અમારો અડ્ડો ! એ ચાર વરસ સાચી જિંદગી જીવેલી
પહેલી વાર કોઈ છોકરી ને ગર્વ થી ફ્રેન્ડ કહી શકું એવી ફ્રેન્ડ મળી. બોવ જ ધમાલ મચાવેલી
પછી હૈદરાબાદ , ત્યાં પણ 15 જણા નું અમારું ગ્રુપ। 200 જણા ના ક્લાસ માં અમારું વર્ચસ્વ. આખા હૈદરાબાદ ને ગુજરાત બનાવી દીધેલું। એ 6 મહિના ગોલ્ડન ડે હતા.. કોઈ મને 6 મહિના આપે તો એ ફ્રેન્ડ્સ સાથે હું પાછો હૈદરાબાદ જવા નું પસંદ કરું
પછી બેંગ્લોર , અહીં અમે 3 ફ્રેન્ડ છીએ અત્યારે રૂમ મેટ્સ, બોવ રખડ્યા , સાથે ભણ્યા , સાથે કેરિયર બનાવ્યું લાઈફ અહીં થી બદલી.
આ ઉપરાંત સોસાયટી ના ફ્રેન્ડ્સ જે ફેમિલી ફ્રેન્ડ્સ છે। .. કઈ પણ કામ પડે ત્યારે વગર કીધે આવી જાય
------- આ બધા ફ્રેન્ડ્સ મારા ફેસબુક માં ક્યારેક જ દેખાય છે
---------
--------
---------------------------------
Bela ben:
જીવનના દરેક સ્ટેજ પર અલગ અલગ મિત્રો મળતા રહ્યા છે. પણ આજ સુધી ના તો ક્યારેય ફ્રેન્ડશીપ ડે નથી ઉજવ્યો કે નથી એમના વિષે કાંઈ લખ્યું.
સ્કૂલમાં અમે ચાર બેનપણીઓ...
1. મોના : દોસ્તી ક્યારેય સોશિઅલ કે ફિનાનીસીયલ બેઝ પર નથી એનું જીવંત ઉદાહરણ. ખૂબ શ્રીમંત ઘરની પણ ક્યારેય એ ભાવનો એહસાસ નથી થયો. સોમ થી શનિ રોજ મળીયે, સાથે ચાલીયે, ઢગલો વાતો અને મસ્તી કરીયે. મૂવી જોવા જઈએ. પ્રેમાળ ન કૅરિંગ સખી.
2. જાગૃતિ : સ્કૂલમાં અમારી દોસ્તી ની મિસાલ અપાતી. પાકી બેનપણી પણ કહે છે ને કે ગેરસમજ થી દૂરી આવે એવુજ થયું અને નજર લાગી અમારી દોસ્તીને. થોડો સમય દૂર રહ્યા અને હિજરાતા રહ્યા પણ જેવી એની ગેરસમજ દૂર થઇ એ પછી ક્યારેય કોઈ અંતર નથી.
3. શિલ્પા : આ બહુજ ક્યુટ મરાઠી મુલગી સ્કૂલ કૉલેજ પછી ખોવાઈ ગઈ અને મારા પ્રયત્નોથી પછી જડી ગઈ. હવે રોજ વ્હૉટ્સપ પર મળીયે.
*********************
કૉલેજમાં પણ ચાર સખીઓ મળી. બધી બહારગામ છે પણ અમદાવાદ આવે ત્યારે બધા એન્જોય કરીયે.
1. બીના : સુંદર, સમજુ અને પ્રેમાળ સખી.
2. નયના : ઓછું બોલવાવાળી પણ કૅરિયરપર ધ્યાન આપવાવાળી.
આજે ખૂબ સફળતા સાથે જજ છે.
3. સુનિતા : જીગરી દોસ્ત. અમે બહુ મસ્તી કરતા.
4. શૈલા : મારી જીગરજાન સખી જે મારી લાઈફમાં આવ્યા બાદ હું ખૂબ સ્ટ્રોંગ બની. મારી સુખ દુઃખ ની સહેલી. એ ત્રણ બેહનો છે, પણ એના ફ્લેટ્સમાં બધાને એમજ હતું કે હું એની બેન છું. એના પપ્પાને બધા પૂછતાં કે તમારી ચોથી દીકરી કેમ આટલી અલગ દેખાય છે??
*********************
મારા કઝીન ના લગ્નમાં જાનમાં જતા એક ખૂબજ સુંદર ગ્રીન આંખોવાળી પરી જેવી છોકરી મનીષા મળી. અંતાક્ષરી રમતા અને મસ્તી કરતા બેનપણા થઇ ગયા. પછી એ મુંબઈ ગઈ ત્યારે અમારી પાસે ફોન નહોતા એટલે લેટર લખતા. વેકેશનમાં એ અહીં આવતી ત્યારે બહુજ મસ્તી, વાતો, હરવું ફરવું અને રાતે મમ્મી ઘાંટો પડે ત્યારે જ સુતા. આજે પણ મુંબઈ જવું તો મળ્યા વગર ના રહીયે. ફોન પર બહુ ઓછી વાતો થાય પણ બંનેમાંથી કોઈ એક મુશ્કેલ સમયમાં હોય તો બીજાનો ફોન આવી જ જાય. દિલ સે દિલ કો રાહ હોતી હૈ યા ટેલીપથી જેવુંજ કૈક.
*********************
જોબની શરૂઆતમાં જ મુંબઈ હેડ ઓફીસના મેનેજર મકરંદ શિરોડકર ને મળી અને આજે પણ દોસ્તી અકબંધ છે.
જોબના સમય દરમ્યાન રાજેશ સુબ્રમણ્યમ ક્લાઈન્ટ તરીકે પહેલા મળ્યો. કહે છે ને દોસ્તીમાં ઉંમર, સ્ટેટ્સ નથી જોવાતું. મારાથી ઉંમરમાં ઘણો નાનો પણ જોબ, સ્ટેટ્સ, એજ્યુકેશનમાં ખુબ આગળ. એકદમ હસમુખો અને સરળ. Any time રેડી ટુ હેલ્પ. એક એવો મિત્ર જ્યાં મને ક્યારેય સ્ત્રી પુરુષ ની મર્યાદા નથી નડી. લડું, ઝગડું, હક્કથી બર્થડે ગિફ્ટ્સ માંગુ. એ ફોરેઇન ટ્રીપ પર જાય ત્યારે નાના બચ્ચાંની જેમ ગિફ્ટ્સની ડિમાન્ડ કરું. દરેક મુશ્કેલ સમયમાં એને મારો સાથ આપ્યો છે અને હજી આપે છે. એની સાથે હંમેશા મારી જાતને સેફ હેન્ડ માં છું એનો એહસાસ કરું. ઈન શોર્ટ ખુબજ પ્યારો અને જીગરજાન સખો.
"Your friend is the man who knows all about you, and still likes you."
Rajesh is one of them.
*********************
ફેસબુક અને વોટ્સઅપ દ્વારા પણ ઘણા બધા મિત્રો મળ્યા, બધા વિષે લખીશ તો તમે બધા કંટાળી જશો. એટલું ચોક્કસ કહીશ કે ફેસબુકથી મળેલા છોટુ ફ્રેંડ્સ મને ખૂબ વહાલ કરે અને મને જે ના આવડે તે બધુજ શીખવાડે છે. જેમાં આરાધના તોમર, કોમલ જોધાની, નરેશ થડાણી અને મૌલિક પંડ્યા આવે છે. આ ગ્રુપથી જ મૌલિક મળ્યા છે. હું મારી ઘણી બધી પ્રોબ્લેમ્સ શેર કરું કે ગ્રુપમાં બધા બહુ સરસ લખે છે. મને કઈ નથી આવડતું. હું ગ્રુપને લાયક નથી. નર્સરી જેવું બી લખતા નથી આવડતું ત્યારે ઓલવેઝ મોટીવેટ કરે કે જેવું આવડે એવું લખો પણ પાર્ટિસિપેટ કરો.
હું મારી જાત ને ખૂબ નસીબદાર માનું છું કે મને આટલા સારા મિત્રોની દેન મળી છે.
---------------------------
Hardik vyas:
પપ્પાને ટ્રાન્સફરેબલ જોબ હોવાનાં કારણે અલગ અલગ જગ્યાએ રહ્યા હોવાથી સ્કૂલ ઘણી બદલાઈ છે. ફ્રેન્ડ્ઝમાં પણ ઘણી વરાયટી મળી છે. નામજોગ ઉલ્લેખ શક્ય નથી. પણ મને એટલું જ સમજાયું છે. દોસ્તી એ કોઈ સંબંધ નથી.. કોઈ પણ સંબંધમાં અન્ડરસ્ટેન્ડિંગ પૂરુ પાડતું પરિબળ છે. રીલેટીવ્ઝ પણ ફ્રેન્ડ હોઈ શકે છે.. અને ફ્રેન્ડ્ઝ રીલેટીવ્ઝ બની શકે છે.. દા.ત. મારા મમ્મીનાં એક સમયનાં બેન્ચમેટ અને ખાસ ફ્રેન્ડ અત્યારે મારા સાસુમાં છે...
ફ્રેન્ડ્ઝ સાથે અનેક મસ્તી, મજાક, લાગણીઓ જોડાયેલાં હોય છે.
અત્યારે મૂડ મસ્તી વાળો છે. એટલે એક પ્રસંગ શેર કરવો છે.
આઠમા ધોરણમાં હું ભણતો હતો, ત્યારે ક્લાસમાં એક ફ્રેન્ડ ભણતો જીજ્ઞેશ.. અગિયારમા ધોરણમાં મારી સ્કૂલ બદલાઈ અને પછી સંપર્ક ઘટી ગયો હતો. અત્યારે એની સાથે કોઈ સંપર્ક નથી.. કોન્ટેક્ટ મળતાં પણ નથી...
નોર્મલી મારી ફિલ્લમ ઉતરી હોવાનાં પ્રસંગો બનતા નથી હોતાં .. પણ આજે એવો એક પ્રસંગ જીજ્ઞેશ સાથેનો યાદ કરવો છે..
અમે વડવા(ભાવનગરનો એક જૂનો વિસ્તાર)માં રહેતાં.. ત્રણ માળનું જૂનવાણી મકાન અમારું.. એ પણ નજીકમાં જ રહે.. અમે મારા ઘરે સાથે ભણીએ..
એક વખત અમે ત્રીજા માળે વાંચતા હતાં.. મને ત્યારે નવો નવો યોગાસનનો શોખ વળગેલો.. એ દિવસે વાંચતાં વાંચતાં મને અખતરા સૂઝ્યા અને મેં મારો એક પગ ગરદન પર ચડાવ્યો.. અને પગ ફસાઈ ગયો.. મેં એને તરત કીધું.. અલ્યા પગ સલવાઈ ગયો.. બહાર કાઢ.. અને એ મારી સામે જોઈને કહે.. અહાહા કેવું આહ્લાદક દ્રષ્ય છે.. હું એનું ચિત્ર દોરીશ.. મારા મનમાં મણ મણની સુરતી પ્રગટી.. મેં કીધું મને છોડાવ પછી ચિત્ર દોરજે.. તો કહે નહિં.. પહેલાં ચિત્ર દોરીશ.. મેં કીધું .. ત્યાર પછી હું તને બહુ મારીશ.. તો કહે, તું મારવાનો હો તો હું તને ત્યાર પછી ય નહિં છોડાવું.. અંતે મેં એને કીધુ ભાઈ નહિં મારું.. પણ છોડાવજે..
અંતે એણે મારું ચિત્ર દોર્યું અને પછી મને છોડાવ્યો..
.
અને મેં વચન ભંગ કરીને એને માર્યો ય ખરો..
.
બધા મિત્રો મહત્વનાં જ છે .. પણ આજે ખબર નહિં કેમ આ પ્રસંગ જ યાદ આવે છે..
.
.
યાર, મિસ યુ .. ક્યાં છે તું?
---------------------------------
kunal joshi:
फ्रेंडशिप डे
और नागपंचमी
एक साथ है,,
समझ में नही आ रहा है ..
पहले किसकी पूजा करूँ *सांपों* की या *आस्तीन के सांपों* की...
હા હા હા હા હા ...
*Jokes A Part.. હો ..*
મિત્રો ની બાબતમા કદાચ મારા જેટલું ધનવાન કોઈ નહીં હોય ..
જ્યારથી મિત્રો બનાવતો થયો ત્યારથી બસ એવા એવા મિત્રો માલ્યા છે ને બસ વાતજ ના પૂછો..
મિત્રતા એ એકજ એવો સંબંધ છે કે જેમા દરેક એટલે દરેક પ્રકાર ની લાગણી આવી જાય છે.. પછી એ ઝગડા ની હોય, કે હરીફાઈ ની, કે મદદ ની, કે પ્રેમ ની, કે બલીદાન ની...
મારો સ્વભાવ હંમેશા મળતાવડો રહ્યો છે ને મને મિત્રો હંમેશા મારા થી ઊંધા જ માલ્યા એટ્લે કે સુપર ડૂપર કોમ્બિનેશન .. હુ મસ્તી કરૂ તો મને ટોકે .. ને હુ કંઇક સમજાવું તો કવઃ વેવલાવેડા બંધ કર...
મને બધાં જ પ્રકાર નાં ભાઈબંધ અને બેનપણીઓ મલ્યા છે .. પણ આજ સુધી મને સિગરેટ પીવાવાલાએ નાતો ટ્રાય કરવા કીધું નાતો ટકિલા ની ૨ ચુસ્કી મારવા કીધું.. એની સામે મારી જોડે ડુંગળી લસણ વગર નું ખાવાનું ખાધું અ નફાનું..
*એક નાનો પ્રસંગ કહું છું..*
મારી બહેન નાં લગ્ન હતાં અને બધી જવાબદારી મારી હતી એમ કહું તો ચાલે .. એમા જમણવાર ની વાત છે.. આગલા દિવસે રાતે હોલ પર રસોઈ બની રહી હતી ને અમે મિત્રો બેઠા હતા.. એવામા રસોઇયા એ અમને સમોસા નો માવો ચાખવા આપ્યો અને બસ પછી અમારાં બધાની ઉંઘ ઊડી ગઇ.. ભયંકર તિખ્ખો માવો હતો.. લવીંગીયા મરચા ને પરખવા મા રસોઇયા ની ભુલ થઈ.. રાતે ૩ વાગ્યા હશે ને સવારે ૧૧ વાગ્યા નો જમણવાર.. હુ થોડો ટેન્શન મ આવી ગયો.. પણ મિત્રો કઈ થોડા ચુપ બેસે.. રસોઇયાને પૂછીને શુ કરી શકાય એ પુછ્યું અને ગયા બજારમા .. ૩ વાગે કરીયાણા ની દુકાન ખોલાવીને જરુરી વસ્તુઓ લઇ આવ્યાં.. બસ.. બધુ થાળે પડી ગયુ ને બીજા દિવસે રસોઈમા સૌથી વધું વખાણ સમોસા નાં થયાં ..
આવા એક નહીં અગણિત પ્રસંગો છે મિત્રતા નાં.. ભાઈબંધી નાં.. લખીએ એટલું ઓછું જ પડવાનું છે.. એટલે છેલ્લે એક શેર મુકીને પુરુ કરુ છું..
*ગમે ત્યાં ને ગમે ત્યારે ફસાવી દે, હજી થોડાંક એવા મિત્ર છે,*
*ઉદાસી ફૂંક મારીને ઊડાવી દે, હજી થોડાંક એવા મિત્ર છે*
*મને પૂછ્યા વગર લઈ જાય બાઇક મારી ને આખો દિવસ એ ફેરવે,*
*ખૂટે પેટ્રોલ ત્યારે માંડ ચાવી દે, હજી થોડાંક એવા મિત્ર છે*
– *અનિલ ચાવડા*
-----------------------------
Viraj bhatt :
આટલી મોટી દુનિયામાં તમને તમારાજ જેવું કોઈ અચાનક જ મળી જાય , જે ને એ પહેલા ક્યારે પણ જોયું ના હોય અનુભવ્યુંના હોય, એવું તમારીજ પ્રતિકૃતિ સમું કોઈ બીજું ખોળિયું તમને જોવા મળે... કેવી મજેદાર વાત છે નહીં ??
જે તમે વિચારતા હો એજ એનું પણ મંતવ્ય નીકળે .. જે તમારી પસંદ હોય એ એને ખબર જ હોય. વિચરોનો તાલમેલ પણ ગજબનો હોય. તમે મેસેજ ટાઈપ કરતા હો ,ને એનો એજ ટાઇમ પર કોલ આવી જાય. દુનિયાની એકજ એવી વ્યક્તિ જેને તમારું નામ પેલે ધડાકે ક્યારેય યાદજ ના આવે પણ જે તમને કાયમ ગાળ દઈને જ બોલાવતી હોય , ને જો એ તમારું નામ બોલે તમને પણ ભયંકર નવાઈ લાગે કે . જાણે કઈ ખોટું લાગ્યું છે કે શું??જાણે એના મોઢે ગાળ ખાવા ટેવાઈ ગયા હોઈએ..
જે ગેમેં તેટલું દૂર હોય પણ કાયમ નજીક લાગે , જેની સાથે પેટ પકડી ને હાસિયે, જેને આપનો મોટો પ્રોબ્લેમ પણ ઠેકડી જેવો લાગે .. ને જેનો ખભો કાયમ રેડીજ હોય તમારું મન ઠાલવવા માટે , જેને વિચાર્યા વગર બધુજ કહી શકાય . જેની પાસે શબ્દોની કોઈ ગોઠવણ ના કરવી પડે , જેને બધુજ કહી દીધા પછી શાંતિ થઇ જાય . જેને ના કહો ત્યાં સુધી પેટમાં કાંઈક થયા જ કરે . તમારા ઘર માં જે કાયમ વાગોવાયેલું રહેતું હોય . જે તામારા બોયફ્રેન્ડ , કે ગર્લફ્રેંડને સહેજ પણ ગમતું ના હોય , અને તમારા બ્રેકઅપ પછી તમારા પર બિન્દાસ્ત હસતું ... ને નફ્ફટ ની જેમ પૂછી લેતું હોય 'તારું પાક્કું પૂરું ને?? તો હું ટ્રાય મારુ તો વાંધો નઈ ને ???... જે આપના નવા કાપડનું ઉદઘટન કરતુ હોય .. કાયમ આપના ઘરમાં જેની બે રોટલી ની ગણતરી થતી જ હોય.. આપણી ' માં ' ની પાસે જે હીરો બની આપણે વિલન સાબિત કરી દેતું હોય. , એને પાસ કરીને આગળ ના ધોરણમાં લઇ જવાની સંપુર્ણ જવાબદારી જાણે આપણી જ હોય ...
આટલું વહાલું આપણુંજ બીજું સ્વરૂપ... ઇશ્ર્વર દ્વારા નિર્માણ થયેલી ' માં' પછીની જો કોઈ બીજી નિસ્વાર્થ રચના હોય તો એ છે ''મિત્ર ''.
વિરાજ ભટ્ટ પંડ્યા
ભાવનગર.
---------------------------------
Tejas Lakhani :
મિત્રો,
આ શબ્દ સાંભળતા જ મન પ્રફુલ્લિત થઈ જાય. ફ્રેંડશિપ ડે બાબતે ઘણુ લખાય છે ઍટલે હૂ સીધો જ મારા જીવનમા મિત્રોના મહત્વ વિષે વાત કરીશ.
મારા જીવનનો 33% જેટલો ગાળો મે રાજકોટ, પુણે, મુંબઇ જેવા શહેરોમા ગાળ્યો હોય, મારા જીવનમા મિત્રોનુ ઍક આગવુ સ્થાન છે.
વિશાલ, રથિન, રીના, ભૂમિ, પલ્લવી, સુજાતા, આરતી, હાર્દિક, દેવાંગ, અમીન, મનીષ ઍવા ઘણાજ લોકો વિવિધ રીતે મારા જીવનનો ઍક હિસ્સો બન્યા છે.
વિશેષ મને ઍ કહેવુ ગમશે કે આપણા સૌના લાડીલા જયભાઇ વસાવડા નો પણ મને સંપર્ક મારા મિત્ર રથિન દ્વારા જ થયો હતો, અને અમો 2-3 વખત કોસ્મોપલેક્ષ મા સાથે મૂવી પણ જોયા છે, સારા વિચારોની આપ-લે મિત્રો સાથે જ થાય છે...
આ પ્રસંગે મને ઍક વાત યાદ કરવી અચૂક ગમશે, પુણેમા IT કંપનીમા જોબ કરતો હોય, ઘણા મિત્રો મરાઠી, ઍમાથી 2-4 સાવ નજીક, સાથે ટ્રૅકિંગમા જવુ, મુવીમા જવુ, સાજા-માંદા હોય ખડે-પગે મિત્રો ઉભા હોય, મારા ઘરેથી નાસતાનુ પાર્સલ સીધુ ઓફિસે આવે, તો મારી પહેલા તો બધા મિત્રો અડધો નાસ્તો પુરો કરી જાય...
હમણા થોડા દિવસો પહેલા જ ઍક મિત્ર સાથે ફોન પર વાત થઈ તો કહે
"સાલે અભી તુજે યાદ કર રહે થે, બહુત મિસ કરતે હે"
મને ઍમ કે આ તે લોકોની મારા પ્રત્યેની લાગણી હશે પણ પછી પેલીઍ ચોખવટ કરી કે :
તેરે નાસ્તે કો બહુત મિસ કરતે હે
આને કહેવાય મિત્રતા, સીધી બાત, નો બકવાસ....
મિત્રો ઍ હોય જે તમારી ભુલ તમારી સામે કહે અને તમારા વખાણ તમારી પાછળ તમારી ગેરહાજરીમા કરે.
બધા દોસ્તોને સલામ.
------------------------------------------
તમે પણ તમારી આવી મીઠી યાદો ને કમેન્ટ માં શેર કરી શકો છો.