FRIENDS

FRIENDS

~હાર્દિક વ્યાસ

FRIENDS

"The definition of friend is someone who is on your side. An example of a friend is an ally in a protest. Friend is defined as a person that you are fond of, with whom you talk or spend time. An example of a friend is the person you have known a long time and trust."
~ www.yourdictionary.com

"A friend is a person who you like and enjoy being with."
~merriam-webster

"A friend is a favored companion."
~merriam-webster

"A friend is a person attached to another by feelings of affection or personal regard."
~www.dictionary.com

"A friend in need is a friend indeed."
~English Proverb


આ ઉપરાંત

"મિત્ર ઐસા કીજીયે જૈસે સિર કો બાલ,
કાટ કાટ કે કાટીએ ફિર ભી તજે ન ખાલ."
.
"મિત્ર ઐસા કીજીએ ઢાલ સરીખા હોય,
દુઃખ વખતે આગળ રહે 'ને સુખમાં પાછળ હોય."
.
"તાળી મિત્ર સો મળે, શેરી મિત્ર અનેક;
જે પર સુખ દુઃખ વારીએ, તે લાખોમાં એક."


આવી અનેક વ્યાખ્યાઓ દોસ્તો વિશે અલગ અલગ ભાષાઓમાં અને ડિક્શનરીઓમાં છે. પણ મને ઘણી વખત એવું લાગે છે, કે દોસ્ત અને દોસ્તીની વ્યાખ્યા આટલી ન હોઈ શકે. બીજા શબ્દોમાં કહું, તો ગમે એટલી વ્યાખ્યાઓ આપીએ દોસ્તો અને દોસ્તીને સમજાવવામાં અધૂરી જ લાગે. પરંતુ સરળતાથી જોઈએ તો દોસ્તીને કોઈ વ્યાખ્યાની જરૂર જ નથી.

કોઈ સંબંધ હોય તો એની વ્યાખ્યા હોય પણ દોસ્તી એ કોઈ સંબંધ નથી. કોઈ સંબંધમાં પણ દોસ્તી હોઈ શકે અને કોઈ સંબંધ વગર પણ દોસ્તી હોઈ શકે.

હકીકતમાં
"Friendship is a relationship status between two or more persons."

કોઈ પણ સંબંધ જન્મથી હોય છે અથવા કોઈ લાગણીથી બંધાયેલો હોય છે. પણ એમાં કોઈ બંધન હોય છે એટલે જ એને સંબંધ કહ્યો હશે કદાચ. પરંતુ દોસ્તીમાં કોઈ બંધન નથી આવતું. એમાં આવે છે સ્વીકાર, સુમેળ અને નિખાલસતા. એમાં હાથ મિલાવવાં કરતાં ખુલ્લા હાથની તાલી વધું મહત્વની છે. કોઈ પણ સંબંધ.. એ જન્મનો હોય કે લાગણીનો કે પછી જુનૂનનો.. એ બંધાઈ ગયા પછી એ કેટલો લાંબો સમય ટકે છે એનો આધાર વ્યક્તિઓ વચ્ચેની સમજણ પર છે. અને એ સમજણ એટલે દોસ્તી. એ સમજણમાં મસ્તી, મજાક, લાફ્ટર, ક્રાય, કેયર, એન્ગર એટસેટ્રા એટસેટ્રા બધુ શેયરીંગ આવી જાય.

આપણે કોઈ મુસીબતમાં હોઈએ, કોઈ આનંદદાયક ઘટના ઘટી હોય, કોઈ સ્પેશીયલ અચીવમેન્ટ હાંસિલ કર્યું હોય, ભીડમાં પણ એકલતા સતાવતી હોય અથવા મનગમતું એકાંત હોય અને ઘણી બધી વાતો શેયર કરવા જેવી હોય... ત્યારે જે નામ આપણા જેહનમાં આવે એ દોસ્ત.. એ એક પણ હોય અને અનેક પણ.. અને પ્રસંગે પ્રસંગે અલગ અલગ પણ હોય...

પરંતુ એ હકીકત છે કે એમની હાજરી માત્રથી મુસીબત (એટલીસ્ટ આપણા મનમાંથી) ગાયબ થઈ જાય છે, આનંદ અનેક ગણો થઈ જાય છે, અચીવમેન્ટની ફીલીંગનો ગ્રાફ સીધો ચઢે છે, આપણે મૌન રહીને પણ અનેક વાતો શેયર કરી લઈએ, અને એ સદેહે નહોય અને એમની સ્મૃતિ ટકોરા મારે ત્યાં એકલતાં આમ-ચપટી વગાડતાંમાં ગાયબ થઈ જાય છે.

દોસ્તો નાના બાળકનાં કપાળ પરનાં કાળા ટપકા જેવા હોય છે. કોઈ અનિષ્ટ દોસ્તોની હાજરીમાં આપણને પરેશાન કરી નહિં શકે. અને કદાચ એ પરેશાન કરે તો પણ એ પરેશાની દોસ્તો વચ્ચે વહેંચાઇ જશે.

જ્યારે સમય તમાચા મારીને આપણો ગાલ લાલ રાખતો હશે, ત્યારે દોસ્તો એને ગલીપચી કરીને ગુલાબી બનાવતા હશે. ખરાબ સમય ચૂસી ચૂસીને ફિક્કા પાડતો હશે, ત્યારે એ જ દોસ્તો (તમાચા મારીને પણ) લાલી આપતા હશે. મુસીબતોનાં પહાડ તો શું.. પર્વતમાળાઓ આવી ચડી હોય, ત્યારે દોસ્તોને પૂછીએ, કે હવે શું કરવું.. તો સાલાઓ કહેશે, "પહાડ આવી ચડ્યા હોય, તો ચાલો સાથે મળીને ટ્રેકિંગ કરીએ."

જ્યારે બંને બાજુ થી પીસાઈને પરિસ્થિતિ સેન્ડવીચ જેવી થઇ હોય ત્યારે એ બદમાશો એની ઉપર ખાટો-મીઠો ટોમેટો સોસ અને સ્પાઈસી ચીલી સોસ લગાવીને કહેશે.. "લેટ્સ એન્જોય.."

અને જો ક્યારેય હતાશ થઇ જઈએ, જીંદગી પ્રત્યે સંપૂર્ણ નીરસ બની જઈએ.. ત્યારે એ દોસ્તો કુરુક્ષેત્રમાં શ્રી કૃષ્ણએ અર્જુનને ગીતા જ્ઞાન આપ્યું હતું.. એમ જ્ઞાન આપશે પરંતુ શુધ્ધ સુરતી સંસ્કૃતમાં...

દોસ્તો બહુ કાબેલ ચોર હોય છે. 'નીંદ ચુરાયી અને ચૈન લૂટ લિયા' ટાઈપનાં ચોર નહિં. બધાની નજર સામે આપણી લોન્લીનેસ.. આપણી હતાશા.. ચોરીને લઈ જશે અને કોઈને ખબર પણ નહિં પડે.

આપણી પરિસ્થિતિ વગર કહ્યે પારખી લેવાની તાકાત દોસ્તોમાં હોય છે. અને એ પરિસ્થિતિને અનુરૂપ ખભે ધબ્બો મારવો કે ખભો ધરવો(રડવા માટે), ગળે પડવું કે ગળે મળવું(ભેટવું) એ દોસ્તો વગર કહ્યે સમજી જતાં હોય છે. વખત આવ્યે જીવ દાવ પર લગાવે અને આપણો વખત આવ્યે જીવ લગાવીને દાવ કરે.

કેટલું પણ લખીશું દોસ્તો માટે.. એ અધૂરુ જ લાગશે. પણ સૌથી મહત્વની વાત એ કે દોસ્ત વગરનું જીવન એ સુગંધ વગરનાં સુંદર ફૂલ જેવું છે. સારુ દેખાય ખરું પણ અનુભવાય નહિં. ક્યારેક ત્રાસદાયક લાગે તો પણ અનિવાર્ય અનિષ્ટની જેમ એમને સ્વીકાર્યે જ છૂટકો.



હાર્દ ક્વોટ :

"દોસ્તીનો સંબંધ બાંધવા કરતાં સંબંધમાં દોસ્તી જાળવી રાખવી વધુ જરૂરી છે."



હાર્દ હિટ્સ : હાર્દિક વ્યાસ - Date : 07/08/2016
e-mail id : haardhits@gmail.com

Share this

Google Facebook Twitter More

• Digg
• Linkedin
• Stumbleupon
• Delicious
• Tumblr
• BufferApp
• Pocket
• Evernote

Hardik Vyas