He Misses ....

He Misses

By ફરઝાના સિવાણી

14/09/16

Wednesday.

વ્હાલી સના ,

તું અને બસ તું ...

એક એક શ્વાસમાં શ્વસે છે તું ...આંખો ખુલી હોય કે બંધ બસ સતત તને જ જોતો હોવ છું ! મન સતત તારી ઝંખના જ કરે રાખે ... હાથની આંગળીઓનાં ટેરવાંઓ તો જાણે તને સ્પર્શવાં માટે તરસી ગયા છે ... તારા વાળની લટો સાથે મારી આંગળીઓની જુગલબંધી , તારી કાજળમઢી  આંખોની બેબાક શરારતો , તારા લલાટે ચમકતી નાનકડી સી બિંદીનો ચમકારો , તારા કાંડે ખનકતો રહેતો ઘુઘરીવાળો કંગન , તારા ફૅવરીટ જુહીના પર્ફ્યુમની ખૂશ્બુ ... કમરેથી વળીને સૅન્ડલનો બૅલ્ટ બાંધવાની તારી અદા અને આંખ મીચકારીને , દુપટ્ટો સીના પર ગોઠવીને મને પુછતી તું , " શું જુએ છે ? હુહ્હ્હ ! " 

જોયું ?  ધડકનનાં એક એક ધબકારે તું વસે છે .. તારું નામ ગુંજે છે મારા સ્મસ્ત અસ્તિત્વમાં !!! કહ્યું નથી તને ક્યારેય પણ એકોએક દીવસ , રાત તને જોવાની , તને મળવાની પ્રતિક્ષામાં જ ગુજરે છે ... તારો એક દુપટ્ટો મારા સિરહાને જ રાખ્યો છે અને જમતી વખતે દરરોજ પહેલો કોળિયો તારા નામનો ખાવ છું .. તારાથી દુર રહીને તારી આદતોમય , તારી પસંદમય થતો ગયો છું ...  તને લાગશે કે આજે હું આ બધું શું લખી રહ્યો છું પણ સના , તારા વગર મારું કોઇ અસ્તિત્વ જ નથી ! આમ તું આંખોથી દુર પણ સતત મારી જોડે અને આ જે અહેસાસ છે એ જ તો છે તારા ને મારા પ્રેમનું પ્રતિક !!!

દીવસો અને મહિનાઓ ભલે વહી રહ્યાં છે પણ તારા વગર કશું જ ગમતું નથી , કશે જ ગમતું નથી ... તું હોય તો બધું સરસ લાગે , બધું  મસ્ત લાગે !!!  જે રાતે તું સપનામાં આવે એ રાત ઉત્સવ જેવી અને દીવસ જલ્સા જેવો હો !!!  તારા શબ્દો જિજિવિષા અને તારા વિચારો પ્રેરકબળ બની જાય છે ....

તું અને તારા હાથની રસોઇ !!!  અહાહાહા હા ....  તું રોટલી કરે ને એની સુવાસથી જ મન લલચાવા લાગે , તારા હાથનો શીરો અને ભાખરવડી , મીઠી કઢી અને વઘારેલી ખીચડી , તલના લાડુ , બુંદીનું રાયતું અને ભરેલાં  મરચાં ! જો , કેટલો મિસ કરું છું !!!

તું બુમ પાડે , " અંગદ , "ચઆઆઅઆઅઆઆઆ?...."

અને હું કહું , " અહા, સના , ચા "

અલી ! મને ય ન્હોતો ખ્યાલ કે તું આ હદે મારી અંદર વસી ગઇ છે , સાચું જ છે કે વિરહ પણ જરુરી  છે !!  બસ હવે તું જલ્દી આવી  જા અને બસ આવી જ જા !!!!

બીજું કશું જ હાલ સૂઝતું નથી એટલે પેલી જમીનનું કામ હાલ આગળ વધ્યું નથી ... 

ચલ , તું તારું ધ્યાન રાખજે અને બસ સપનામાં આવજે હો , આજે જ !!!

ખુબ ખુબ વ્હાલ અને 

તારો અંગદ.



08/08/16
" With Love, From Me."
By ફરઝાના સિવાણી
farzanasivaniblogpost@gmail.com 

"She Misses .... "

She Misses

 

ફરઝાના સિવાણી

image captured by : Keval  Chandpa

 08/08/16
Monday.


વ્હાલા અંગદ ,

કેમ છે તું ?? યાર, મને તો તારી બહુ જ યાદ આવે .. ખાસ કરીને આ વરસાદની ઋતુમાં !!!  યાદ છે તને ?  મુશળધાર વરસતાં વરસાદમાં આપણે નીકળી પડતાં બાઇક પર , શેરીથી રોડ અને રોડથી  હાઇ વે સુધી ...અને પછી ગરમાગરમ ભજીયાં અને તારી ફૅવરીટ આદુવાળી ચા ... અહાહાહા... માથાથી પગની પાની સુધી તરબોળ થયાં પછી મને ચઢતી ટાઢ અને તું તારી હથેળીઓ એકબીજા જોડે ઘસીને મારાં ગાલ પર મુકીને મને ગરમાવો આપવાની ટ્રાય કરે ત્યારે થાય આવો વરસાદ રોજ્જે પડે તો કેવી મજા આવે ...


પાછા ફરતી વખતે તને પાછળથી વેલીની જેમ વીંટળાઇને બેસતી હું ત્યારે દુનિયાની કોઇ જ પરવાહ ન્હોતી રહેતી ... લોકો જોતાં હોય તો ભલે ને જુએ , તારા ને મારા માટે તો એ સમય દરમિયાન જાણે ' સારા જહાં હે તેરે લિયે , મેરે લિયે ' હતું. સન્નન કરતોક પવન શરીરમાંથી લખલખું પસાર કરે અને હું તને વધુ જોરથી વળગી જતી અને તારા ખભા પર મારું માથું ઢાળી દેતી ને તું તારા હોઠ મારાં કાન સુધી લાવીને ધીમેથી બોલતો,  " અલી, ઘરે તો પંહોચવા દે !!" અને હું આંખો મીંચીને જ શરમાઇ રહેતી ... બસ આ કોર્ષ પતે કે હું તારી પાસે આવી જાવ એવું મન થયાં કરે છે આ વરસાદમાં તો !!! ;) :D

કહેવાય છે ને કે મિલનની અસલી મજા તો વિરહ પછી જ હોય , તો બસ આપણે ય એ મજાના હકદાર થઇશું અને વિરહ - મિલન બધું જ વિસરી જઇને હંમેશની જેમ સના અંગદમય થઇ જશે અને અંગદ સનામય !!!

અરે હા, તને ખબર કાલે અમને એક નવો જ પ્રોજૅક્ટ આપ્યો છે જેમાં મારે સિંધુ સંસ્કૃતિનાં લોકોના પોશાકો વિશે નિબંધ લખવાનો છે . એટલે હવે તો ફુલ ટાઇમ લાઇબ્રેરી હો ... મહેનત છે પણ મને મજા બહુ જ પડે છે અને બકા મહેનત તો શેમાં નથી ? અને કરેલી મહેનત ક્યારેય એળે નથી જતી આ વાત મારા નાનીમાં કહેતાં હોં !!!

તેં પેલી જમીન વિશે વાત કરી તો આપણે એ જમીન વેંચીએ નહીં અને એમાં પાક લેવડાવીએ તો ?? કોઇ ભાગીદાર રાખી લઇએ જેને ખેતીનું બધું જ્ઞાન હોય અને પોતે ફુલ ટાઇમ ત્યાં જ રહીને બધું સંભાળી શકે , વચ્ચે વચ્ચે તું એ આંટો મારી આવે એમ ... અને રહી કાકાને એમનો ભાગ આપવાની વાત તો કાકાને પણ આ વાતમાં સમજાવી શકાય ને એમના હિસ્સા મુજબ એમને દર વર્ષે થતી કમાણીમાંથી ભાગ આપી શકાય... આ વાત પર વિચાર ચોક્કસ કરજે .

અરે હા, કાલે હું અહીંની એક બજારમાં ગઇ હતી , ગઇ તો હતી અમસ્તા ચક્કર મારવાં પણ ત્યાં જ એક શૉ રૂમનાં ડીસ્પલેમાં સરસ મજાનાં ટી'ઝ જોયાં , તને ગમે છે ને એવાં જ એટલે તારા માટે લાવી છું બે ટી-શર્ટસ અને કુરીયરમાં મોકલીશ એકાદ બે દિવસ પછી તો તું નીચે વાળા આંટીને કહી રાખજે કે તું ઘરે ના હોય ત્યારે કુરીયર કલૅકટ કરી લે .. હોં ને !!! અને કાજુ કતરી પણ લાવી , મારા માટે હોં કેમ કે તું યાદ આવે ત્યારે તારી પસંદ , તારી આદતો , તારો સ્વભાવ , તારી ટીખળો બધું જ તો યાદ આવી જતું હોય છે ...!! અને એક ડાયરી પણ લાવી છું , રોજ બરોજ ના ખર્ચાના હીસાબો રાખવાં માટે ... આજકાલ હું બહુ ખર્ચા કરું છું યાર એવું લાગ્યાં કરે છે મને , તો આમ ડાયરીમાં લખું તો મને ખ્યાલ રહે ને એમ !!

ચલ , હવે રાતનાં ૨ વાગી રહ્યાં છે , હું સુઇ જાવ નહીંતર તું જ કહીશ કે હું તને મારા સપનામાં નથી આવવાં દેતી ...   :P :P

સાંભળ , મારા અંગદનું ધ્યાન રાખજે જેમ હુ તારી સનાનું રાખુ છું !! :)
ઝાઝું બધું વ્હહ્હ્હ્હ્હ્હાલ્લ્લ્લ્લ્લ... 
ટાટા ...

તારી સના.









08/08/16
" With Love, From Me."
By ફરઝાના સિવાણી
farzanasivaniblogpost@gmail.com