આળસુનો પીર

આળસુનો પીર

~ સંકેત

સરનાએ જોયું સાત વાગી ગયા હતા, "હર્ષ બહુ થયું હવે, ઊભો થા, સાડા સાત થયા." સરનાએ પોતાના ભીના વાળમાં દાંતિયો ફેરવતા ફેરવતા બેડ પર ચાદર ઓઢીને પડેલા હર્ષને કહ્યું.

"હમમમ, 2 મિનિટ," ઊંઘમાંને ઊંઘમાં હર્ષે ચાદર પણ હલાવ્યા વગર જવાબ આપ્યો.

"તારી 2 મિનિટ છેલ્લાં એક કલાકથી ચાલે છે, ઊઠ હવે," સરના જરા ખિજાઈ, "કેટલું ઊંઘવાનું હોય, 10 કલાકથી ઊંઘે છે તું, ખબર હોત કે આવો કુંભકરણ છે તો લગન જ ન કર્યા હોત તારી સાથે. આળસુનો પીર!"

પણ ઊંઘમાં મદમસ્ત હાથીની જેમ પડેલા હર્ષેને સરનાના શબ્દો એક ઇંચ પણ હલાવી શક્યા નહીં. આ વખતે તો "હમ્મ" પણ ન આવ્યું ચાદરમાંથી બહાર.

"હર્ષ, તું ઊઠે છે કે પાણી નાખું?" સરનાએ પહેલા ક્યારેય નિષ્ફળ ન ગયેલું શસ્ત્ર અજમાવ્યું.

"ના, પાણી નહીં પ્લીઝ, 2 જ મિનિટ, ઊઠું છું ને સરના," પાણીના નામથી વળી જવાબ મળ્યો.

"આ તારી એકત્રીસમી 2 મિનિટ છે સવારથી," સરનાએ ગુસ્સામાં કહ્યું.

"આ છેલ્લી, છેલ્લી. ઊઠું છું 2 મિનિટમાં," હર્ષ સીઝન્ડ સ્લીપર હતો. બે બે મિનિટના ટીપે ઊંઘનું સરોવર ભરવામાં માહેર.

"સારું, તારે જ્યારે ઊઠવું હોય ત્યારે ઊઠજે. હું હવે ઊઠાડવાની નથી. આવું જ કરવું હતું તો ટ્રીપ શું કામ પ્લાન કરી! હોળી તો રમી લેત!  'એનિવર્સરીમાં એડવેન્ચર કરીશું' ને આ ને તે શું કહેતો હતો?" સરના હર્ષના ચાળા પાડતા બોલી, "એક વહેલા ઊઠવામાં સવારે જોર આવે છે તને! ઑફિસ હોય ત્યારે કેવો ઊઠે છે! પણ આજ તો એનિવર્સરી છે, છોડો કોણ માથાકૂટ કરે, નહીં!? હજુ ડ્રાઈવર ય આવ્યો નથી. સાડા સાતે નીકળવાનું નક્કી થયું 'તું. એને ય મારે જ ફોન કરવો પડશે," સરનાએ ફોન હાથમાં લીધો, "નંબર, હર્ષ, ડ્રાઈવરનો નંબર દે. હર્ષ," એણે હર્ષની ચાદર ખેંચી કાઢી અને એના કાનમાં જોરથી બૂમ પાડી, "હર્ષ ઊઠ, આળસુના પીર, હું જાઉં છું હવે પાણી લેવા, તારા પર નાખું છું." એ ઊભી થઈ અને બાથરૂમમાં ગઈ. ડોલ ભરી અને હર્ષ પર નાખવા ઊતાવળમાં બહાર આવી તો હર્ષ ઊભો ઊભો આળસ મરડતો હતો.

"લે, ઊઠી ગયો બસ? હર્ષે કહ્યું.

"હવે ઊઠ્યો તું, સવા સાત થયા. હવે મારે નથી જવું ક્યાંય," સરના રિસાઈ, "તારે જવું હોય તો જજે, આજે હોળી રમવાનો ય મૂડ નથી હવે. અને એનિવર્સરી છે. એડવેન્ચર કરીશું, હૂહ."

હર્ષ એની નજીક આવ્યો અને હગ આપવા જ જઈ રહ્યો હતો ત્યાં જ સરના એ કહ્યું,

"નો, આઘો રે, જાપટ પડશે. તારી હગ બગ કાંઈ કામ નહીં આવે આજે. તું ઊંઘી જા. એ જ કર."

"અરે પણ વાત તો સાંભળ,"

"ના, કોઈ વાત સાંભળવી નથી મારે, એક કલાકથી તું સાંભળે છે મારી વાત?" સરના હોળી રમ્યા વગર જ લાલઘૂમ થઇ રહી હતી.

"અરે એવું નથી ડાર્લિંગ,"

"નો ડાર્લિંગ, નથિંગ, સાડા સાતે નીકળવાનું હતું, નથી ડ્રાઈવર આવ્યો, નથી તું તૈયાર, સવારથી હું જ તૈયાર થઈને ફરું છું. જાણે મારી એકલીની એનિવર્સરી હોય, મૂડની તો તે..." સરના નારાજ થઈ ગઈ.

"અરે, અરે," હર્ષે પાછળથી સરનાને કસીને બાંહોમાં લઈ લીધી.

"છોડ મને, કહું છું, છોડ," સરના છૂટવા કોશિશ કરી રહી પણ ન છૂટી શકી, "હર્ષ, છોડ..."

"અરે સાંભળ, સરખું જો ને," એણે ફોન હાથમાં લીધો અને સ્ક્રીન પર ટેપ કર્યું, "જો આમાં," હર્ષ કંઈક બતાવવા લાગ્યો.

"મારે નથી જોઈતી કાંઈ સરપ્રાઈઝ, તારી સરપ્રાઈઝ ય આળસુ જ હશે, તારા જેવી." સરનાએ મોઢું ફેરવી લીધું.

"અરે મેડમ, ટાઈમ જુઓ ટાઈમ, સરપ્રાઈઝ તો તમે આપો છો, હજુ સવા છ વાગ્યા છે, સવા સાત નહીં!" હર્ષે સરનાની આંખો આગળ ફોન મુક્યો.

"આ સામે દેખાય સવા સાત થાય છે. જો આંખો ફાડીને દીવાલે," સરનાએ ફોનમાં જોયા વગર વોલક્લોક તરફ ઈશારો કર્યો.

"જાની, હમ ઉન લોગોમેં સે હૈ જો અપની મહેબૂબા કે લિયે સમય કો ભી રોક લેતે હૈ. તું આ ફોનમાં જો, સવા છ છે કે નહીં, તારા ફોનમાં જો." હર્ષે કહ્યું.

સાચે જ સવા છ વાગ્યા હતા. સરનાએ જોયું. બે-ત્રણ જગ્યાએ જોયું.
"હા, હજુ સવા છ જ થયા છે. તો આ વોલક્લોક કેમ?" સરના વિચાર કરવા લાગી, "અચ્છા... સાલા, તે રાત્રે સેલ બદલવાના બહાને...નાલાયક," સરનાએ હર્ષના ગાલ પર હળવેથી હાથ માર્યો, "કેમ આવું કર્યું કે તો?" એણે નખરાળા અવાજે પૂછ્યું.

"હા હા હા..." હર્ષ જોરથી હસ્યો, અને સરનાને હગ કરી લીધી, "તેં કહ્યું ને, મારી સરપ્રાઈઝ પણ મારા જેવી આળસુ જ હશે, જો એક કલાક મોડી ચાલે છે." એ મરકયો, "તો મેડમ, હવે આપણી પાસે હજુ એક કલાક છે, તો એમાં..." હર્ષ જરા પાછળ ટેબલ તરફ ફર્યો અને પોતાના બંને હાથ લાલ રંગ લઈને સરનાના ગાલ પર હળવેથી ઘસી દીધા અને કહ્યું, "હેપ્પી હોલી". સરનાના ગાલ પર હર્ષનો લાલ રંગ ચમકી ઉઠ્યો. હર્ષે એના ગાલ પર છવાયેલા લાલ રંગમાં આંગળીથી એક નાનકડું દિલ બનાવી દીધું, અને કહ્યું, "હેપ્પી એનિવર્સરી".

"મારુ હર્ષડું, થેન્કયું." સરના ખુશ ખુશ થઈ ગઈ.

"તો હવે આપણે સૂઈ જઈશું? હજુ ટાઈમ ઘણો છે!" હર્ષ બોલ્યો. સરનાએ તીખી નજરે એની સામે જોયું, મુઠ્ઠીમાં રંગ લીધો અને હર્ષની પાછળ દોડી, બંનેએ એકબીજાને ભરપૂર રંગી લીધાં, અને છેલ્લે હર્ષે સરનાને કમરેથી કસીને પકડી, એની ગરદન પર લાગેલાં રંગને હળવેકથી ચૂમ્યો અને કહ્યું, "સરના, મેં કહ્યું સૂઈ જઈશું, હું ઊંઘી જવાની વાત નથી કરતો!" એના હોઠો પર તોફાની સ્મિત હતું.

"અચ્છા..." સરના જરા શરમાઈ ગઈ, હસી ઊઠી અને  મુઠ્ઠીમાનો લાલ રંગ હર્ષ પર ઉડાડી મુક્યો અને હસતી આંખે કહ્યું,

"આળસુનો પીર!"




"કપ્સ ઑફ ટી" by સંકેત વર્મા
varmasanket1987@gmail.com
9898568213 

Guest Post By Vyavasthit Lagharvaghar Amdavadi - સરકારી નિયમો મુજબનાં લગ્ન પ્રસંગો

સરકારી નિયમો મુજબનાં લગ્ન પ્રસંગો
-By Vyavasthit Lagharvaghar Amdavadi

સરકાર  લગ્ન પ્રસંગે ખોટો ખર્ચો અટકાવવા ઘણા નિયમો બનાવવાનું વિચારી રહી છે  જેમ કે જમણવાર ૪૦૦ થી ૫૦૦ માણસનો જ થઈ શકશે, લગ્ન પ્રસંગે પાંચ લાખથી વધુ ખર્ચો કરનારને ગરીબ ક્લ્યાણ ટેક્સ લાગશે, જમણવારમાં મેનુ પણ વધારી નહિ શકાય.

અમે લઈને આવ્યા છીએ સરકારી નિયમો પ્રમાણેનાં લગ્નપ્રસંગનાં વિસ્તુત નિયમો તથા તેના ફાયદાની સમગ્ર માહિતી.

 

(૧.) લગ્ન પ્રસંગે છપાતી કંકોત્રીમાં સહકુટુંબ સ્નેહીઓ સહિત લખી નહિ શકાય જો લખશો તો આગળ જતા લગ્નમાં આવેલ વ્યક્તિઓની સંખ્યા ગણવામાં તકલીફ પડે. કંકોત્રીમાં નીચે મારા મામા/કાકાનાં લગ્નમાં જલુલ જલુલથી આવજો એવા ટહુકાની જગ્યાએ મ્યુચલ ફંડનાં માર્કેટ રિસ્કનાં નિયમોની જેમ સરકારી નિયમો છપાવવાના રહેશે જેથી લગ્નમાં આવનાર દરેકને નિયમની જાણ થાય અને કોઈ નિયમોનો ભંગ નાં કરે.

(૨.) કેટેરીગવાળાએ સંખ્યા પ્રમાણેજ પ્લેટ ગણીને મુકવી પડશે જેથી પાછળથી ડીશ અંગે કોઈ તકરાર ઉપસ્થિત થાય નહિ. દરેક હોલ તેમજ પાર્ટી પ્લોટનાં લગ્ન ગેટ પર સેન્સર તેમજ સી.સી.ટી.વી કેમેરા લગાડાશે જેથી ૪૦૦ થી ૫૦૦ માણસ જ લગ્નમાં ઉપસ્થિત હતા એની ગણતરી થઈ શકે. લગ્નમાં ઘૂસ મારનાર જો સી.સી.ટી.વીમાં પક્ડાશેતો તેમના ઘરે ઈ-મેમો આવશે જે મેમોની રકમ  મામેરા માં ગણાશે

(૩.) કુલ લગ્ન પ્રસંગનો ખર્ચો  પાંચ લાખ જ કરી શકાશે, જો લગ્નમાં આવેલા ચાંલ્લાની રકમ લગ્ન પ્રસંગનાં ખર્ચાની રકમ કરતા વધી જશે તો આ વધારાની રકમ પ્રસંગ વખતે થયેલો નફો ગણાશે અને તેના  પર
૩૦% ઇન્કમટેક્ષ લાગશે,

૩૦% ગરીબકલ્યાણ ટેક્ષ લાગશે,

૩૦% લગ્ન થયેલા વર -વધુ નું બાળક ૧૮ વર્ષનું ના થાય ત્યાં સુધી વગર વ્યાજે

સરકાર જોડે જમા રહેશે

૧૦% એજ્યુકેશન, સર્વિસ, કૃષિ-કલ્યાણ, સ્વચ્છ ભારત વગેરે વગેરે ટેક્સ લગાડાશે.

(૪.) ચાંલ્લાનાં કાઉન્ટર પર CA અથવા તો બેન્ક અધિકારી તરીકે નોકરી કરતા વ્યક્તિજ બેસાડી શકાશે. ચાંલ્લો લખાવતી વખતે મને નાં ઓળખ્યો કરીને ચાંલ્લો લખનાર નાં ટપલાદાવ કરી શકાશે નહિ, ૧૦૦ રૂપિયા આપી ૧૦૧ લખો એવું કહી શકાશે નહિ કારણકે પાછળથી બજેટ વખતે ક્યાંથી રૂપિયો આવ્યો અને ક્યા ગયો એ ગણવામાં તકલીફ થાય છે . 

(૫.) વરરાજાનાં ચંપલ ગાડીની અંદર સંતાડી શકાશે નહિ, વરરાજા પણ ૨૦ થી વધારે એવરેજ આપતી ગાડીમાં જ આવી શકશે. જાહેર નગર નિગમની બસમાં આવનાર વરરાજાને એ ફાયનાસિયલ વર્ષ માં ૧૦% ટેક્સ રાહત આપવામાં આવશે વરરાજાનાં ચંપલ ચોરી અંગે નજીકના પોલીસ સ્ટેશનમાં ચોરીનો ગુનો નોધી શકાશે નહિ તેવી ભવ્ય છૂટ આ નિયમોમાં સરકાર દ્રારા  આપવામાં આવી છે ચંપલ ચોરી કરનાર સાળીઓ /સાળાઓ ને ગમે તેટલી મહેનત કરી હોય ૨૫૧ થી વધારે રકમ નું કવર આપી શકાશે નહિ .

(૬.) જમણવારનાં મેનુ અંગે અગાઉથી સરકારમાં સોગંદનામું કરવાનું રહેશે. સગા-સબંધીઓનાં કહેવાથી પાછળથી મેનુ બદલી શકાશે નહિ . એક પનીરની સબજી ગ્રીન ગ્રેવી/બ્રાઉન ગ્રેવી, એક સાદી સબજી જો પનીર સબ્જી ગ્રીનગ્રેવીમાં હશે તો સાદી સબ્જી ફરજીયાત બ્રાઉન ગ્રેવી રાખવી પડશે, અંગુરી બાસુંદીમાં અંગુરની સંખ્યા-  ઉધિયું રાખ્યું હોય તો તેમાં મુઠીયાની સંખ્યા  વગેરે જાહેર કરતુ  અલગથી ફોર્મ ભરવાનું રેહશે. 

(૭.) પ્રી-વેડીગ ફોટોશૂટ , એન્ગેજમેન્ટ ફોટો શૂટ , વગેરે વગેરે પ્રકારના ફોટોશૂટનાં ખર્ચાનો સમાવેશ પાંચ લાખની નિયત-મર્યાદામાં જ ગણવાનો રહેશે. કોઇપણ ફોટામાં સ્ત્રી કે પુરૂષ ૫૦૦ ગ્રામથી વધારેનું સોનું ધારણ કરી શકશે નહિ. રિસેપ્શનનાં ફોટામાં એક સાથે દસથી વધારે લોકો સ્ટેજ પર ચઢીને ફોટો પડાવી શકશે નહિ. 

(૮. ) ગોર મહારાજને પાંચસો રૂપિયા વધારે આપી લગ્ન વિધિ ઝડપથી પતાવવાની ઓફર કરતા વરરાજા સામે ભ્રષ્ટાચાર નાબૂદી અધિનિયમ હેઠળ કેસ દાખલ કરાશે . 

(૯.) ઉપરોક્ત નિયમો દરેક લગ્ન પ્રસંગનાં હોલ પર તેમજ લગ્ન ચોરા પર લગાવવાના રહેશે. સપ્તપદીનાં વચનો આપ્યા બાદ આ નિયમોનું પાલન કરાવવાનું પણ વિધિમાં ઉમેરવાનું રહેશે. મંગલાષ્ટક અને લગ્ન ગીતો જોડે આ નિયમનાં ફરફરિયાં પણ લગ્નપ્રસંગે હાજર સમગ્ર વ્યક્તિઓમાં વહેચવાના રહેશે. 

(૧૦.) ઉપરોક્ત બધા નિયમોનું પાલન કરીને થયેલા લગ્ન અંગે ત્રણ વર્ષનો લોક-ઇન પિરિયડ રહેશે એટલે ત્રણ વર્ષ સુધી છૂટાછેડા લઇ શકાશે નહિ ત્રણ વર્ષ પેહલા છુટા પડતા દંપતીએ લગ્નના ખર્ચનાં ૯% સાદા વ્યાજ સાથે સરકારને આપવાના રહેશે.

લી.(વ્યવસ્થિત લઘર વઘર અમદાવાદી)

 

Guest Post પ્રેમ – ખુદાના ઘરનું સરનામું ! By Abhishek Agravat

 પ્રેમ – ખુદાના ઘરનું સરનામું ! By Abhishek Agravat

કહેવાય છે કે આ જનરેશન પાસે સૌથી મોટો પ્રશ્ન રિલેશનશીપનો છે.  પ્યારને ઘડીભર બાજુએ કરીને લગ્નને કેન્દ્રમાં રાખીને ટૂંકી વાત કરીએ તો ધડાધડ છૂટાછેડા થવા માંડે એવો ઘાતક આ યુગ નથી પણ હા, સંબંધની મીઠાશની આવરદા ફટાફટ ઘટવા માંડે એવો સમયગાળો તો આ ચોક્કસ છે. માણસ એના પ્રિયજનથી કંટાળે એ સૌથી વધુ કાંટાળી લાગણી છે. સ્વજનોની આખી બિરાદરીને નજરઅંદાજ કરી ઉમળકાભેર અને ઝનૂનભેર પરણતાં બે લવબર્ડસ વધીને બે વર્ષમાં લવ-વધ કરવા માંડે છે. શા માટે ? પ્રેમ અગર ખુદ વિરહના શૂળના અનુભવ આપતો અહેસાસ છે તો પછી આપણે સતત જોઇએ છીએ એવા આ એકબીજાને શૂળીએ ચડાવી દેવા સુધી પહોંચતા લોકો શું કરી રહ્યાં છે ? આમાં પ્રેમ ક્યાં છે ? ન્યોછાવર થઇ જવું અગર મહોબ્બતનો મિજાજ છે તો શા માટે પ્રત્યેક લવસ્ટોરી એક મેરેજસ્ટોરી બનવાના મકસદથી જ આગળ વધે છે ? ફક્ત પ્રેમ ન થઇ શકે શું ? બેવજહ...બેમતલબનો....બેમિસાલ....ફક્ત પ્રેમ !  
      

મજાની અને એથી વિશેષ મુશ્કેલીની વાત એ છે કે અહીં સૌનો પ્રણય પરિણયના મુકામ સુધી પહોંચવા માટે પાંગરે છે. સંપર્કો થાય, મુલાકાતો ગોઠવાય, માદક સ્પર્શ થાય, આલિંગનોનો એખલાસ થાય,ચુંબનોના ચાઠાં ઉપસે અને એના રોમાંચ થાય,મીઠા વિવાદો,સુંવાળા મેસેજીસ, થોડા વેવલાંવેડાં અને વધુ વે’વારિક થઇ છેવટે બંનેના ઘરમાં વાત રજૂ કરી કોઇપણ હિસાબે લગ્નગ્રંથિથી જોડાય જવું એ મોટાભાગની કહેવાતી પ્રેમકહાનીઓનો સેન્ટ્રલ થીમ છે. 

પ્રેમનો સાચો પરિચય જ ત્યારે થાય છે જ્યારે સંપર્ક અટકે છે. સહવાસ ક્યારેય પ્રિયજનના હોવાપણાંની કદર ન કરાવી શકે. હર્દયને એવી ભનક અનુભવાય કે હવે એનો ચહેરો જોવાની તકો પણ નહીવત છે ત્યારે ખરેખર વિશ્વભરના તમામ સુંદર ચહેરામાં પ્રિયજનનો ચહેરો મહેસૂસ થાય છે. માણસને દરેક આદત,વ્યસન, શોખ,કાર્ય,રિએક્શન,એક્શન અને ઇવન ફિક્શનમાં પણ એનો જ અહેસાસ અનુભવાય છે જે હવે સાથે નથી અને છતાં દૂર છે એવું સ્વીકારી પણ શકાતું નથી. પ્રેમ અહેસાસ છે,સાહેબ ! એને જીવવાનો હોય. એને જીરવવાનો હોય. એને જીલવાનો હોય. એને જકડી ન શકાય. પ્રેમનો માંડવો તનહાઇના ત્રિભુવનમાં રોપાતો હોય છે. અને એની સપ્તપદી સ્વયમ શામળા ગિરધારીના વરદ મુખેથી થાય છે. એક સાદી સમજ આપવાની કોશિશ કરુ..... તમે એવી કલ્પના કરી શકો છો કે એક સાદી સીધી વ્યક્તિને ચાહવાથી તમને ખુદાની બંદગી કબૂલ થયાની અનુભૂતિ થવા માંડે ! એક સામાન્ય છોકરીને આલિંગન કરતી વખતે થાય કે શરીરનું નિર્વાણ થઇ રહ્યું છે અને દેખાતી નથી પણ હયાત છે એવી ઇશ્વરીય ચેતનાનો સ્પર્શ થઇ રહ્યો છે ! એના હોઠ ચુમતી વખતે જાણે રોમ રોમમાં ક્રિષ્ન રાસ રમતો હોય એવા અદભૂત આનંદનો અહેસાસ થાય ! જો ના, તો પ્રેમની વાતો કરવી બરાબર છે....તમે હજુ પ્રેમને ઓળખી શક્યા નથી. અને જો હા, તો બાકી બધી લપ છોડો....તમે પ્રેમી છો. હા,તમે પ્રેમી છો. 

પરમ આહલાદિની શક્તિ તરફ મુખર કરતી સફરનું નામ પ્રેમ છે. પ્રેમ તળાવ નથી,પ્રેમ મહાસાગર છે. પ્રેમ કલ્પ નથી,કલ્પવૃક્ષ છે. પ્રેમ આપણા જ જેવી એક વ્યક્તિ તરફના અનુરાગથી શરૂ થઇને સમગ્ર વિશ્વ તરફ અનુગ્રહ કરતાં પરમતત્વના દિદાર કરવા બેકરાર કરતી આજીવન ચાલતી એક અવસ્થા છે. કરૂણતા એ છે કે આપણે ત્યાં પ્રેમની આવી વાતો લોકોને આધ્યાત્મિક લાગે છે. હમણાં કોઇની સુંવાળી કમ્મર,કાનના ઝુંમર કે સોળ વરસની ઉંમર પર કોઇ વાત કરે તો એ સ્વાભાવિક લાગે છે. હા, આવેગો પ્રેમના પ્રવાસનો અનિવાર્ય મુકામ છે. શરીરની ભૂખ સંતોષ્યા વિના મનની તરસ નહી છીપાય એવું તો રજનીશ પણ કહેતાં ગયા. પણ ત્યાં અટકી જવું એ બીજું કંઇપણ હોય શકે,પ્રેમ નથી. બેડરૂમમાં જઇ ત્વચાની આરાધના કરતો માણસ એવું વિચારતો જ નથી થયો કે ત્વચાની નીચે માંસ અને હાડકાના સ્તર છે અને એને પાર કરતાં એક મુલ્ક આવે છે જેને ‘રૂહ’ કહે છે. રૂહ સાથે મોટાભાગના લોકોનો સંવાદ ક્યારેય થતો જ નથી અને આયુષ્ય પૂર્ણવિરામની ઘોષણા કરી દે છે. આપણે સૌ સતહી-ઉપરછલ્લું-ચામડી પરનું જીવીને જતાં રહીએ છીએ....એ અનુભવ લીધા વિના કે ઉમ્રના ૫૫ વર્ષ સુધી સેક્સ કર્યા પછી પણ ભૂખ તો કાયમ જ રહી તો આજીવન કર્યુ શું ? શરીર મંગલાચરણ છે....પ્રેમતત્વનો અસલ અનુભવ કરવા માટેનું !   

લગ્ન અને શારિરીક સુખ પ્રેમના મુકામો હોઇ શકે,મંજીલ નથી મને બસ આટલી સમજ છે. મહોબ્બત મને અતિશય ગમતો શબ્દ છે. અને મારી માન્યતામાં મને લાગે છે કે મહોબ્બત ખુદ એના અર્થમાં પ્રાર્થના છે. પ્રાર્થના પોતે એક વિશાળ અર્થ લઇને બેઠી છે. એને ગિલા-શિકવા, અપેક્ષા અને આક્ષેપોના ચોકઠાંમા રહેંસી ન નાંખો. અનુભવો....! જેને ચાહો છો એ વ્યક્તિના સાંનિધ્યને એ રીતે સંવારો કે જ્યારે તમે બંન્ને તમારા એકાંતમાં તલ્લીન હો ત્યારે તીર્થ રચાતું હોય. આલિંગન વનરાવનની રાસલીલાનું દર્પણ બને અને નખ અને દાંતના દસ્તાવેજો શિવ તાંડવના અવશેષો. જમાવટ એની એ જ છે...આવેગોની, બસ નઝરિયો બદલીને જીવવાની વાત છે.

મને લાગે છે આપણે બંન્ને આલિંગનમાં રમમાણ હોઇએ છીએ ત્યારે

આકાર લેતાં આપણા શરીરોની અણસાર ખુદાના ચહેરા જેવી રચાય છે ! 

-  Abhishek Agravat

  

He Recalls...

 HE RECALLS

by Farzana Sivani

22/01/17

Sunday.

 

સના,

સૌથી પહેલાં તો તું મને એ કહે કે શા માટે તારે એ સમયને યાદ કરવો છે ફરીથી ?? શા માટે એ સમયની પરીસ્થિતિને તારે ફરીથી અનુભવવી છે? હા, હતો એ સમય કસોટીનો... કસોટી ધીરજની, વિશ્વાસની, તારી ને મારી અંદર રોપાયેલાં લાગણીના એ ફણગાની જેનું દુનિયા કે સમાજ્ માટે કોઇ અસ્તિત્ ન્હોતું, નથી !!
હું ઘૂંટાયા કરતો કે હું તને એ કશું ક્યારેય નહીં આપી શકું જે એક સ્ત્રી તરીકે તારો હક છે અને તું હંમેશા મને કહ્યાં કરતી કે "તું જે મને આપી રહ્યો છે એ ય બહુ ઓછા પુરુષો આપી શકતાં હોય છે એમની મનગમતી સ્ત્રીને " ..

હા,એ સાચું કે તારો ને મારો આ સ્નેહસંબંધ અત્યાર સુધી અકબંધ રહ્યો એમાં મારો મોટો ફાળો છે પણ તેં એ બધું જીવ્યું છે જે મેં તને આપ્યું અથવા તો જે હું તને નથી આપી શક્યો.. હા, મારા માટે ય બિલ્કુલ આસાન તો ન્હોતું જ કેમ્કે મારી પોતાની જવાબદારીઓ  ઊપરાંત ની આ લાગણી છે ... તું મચ્યૉર ખરી પણ આખરે તો એક સ્ત્રી જ છો, તારું મન એ તને સવાલો કરતું અને ઘણીવાર તો એક ના એક સવાલો અલગ અલગ રીતે આવીને તારી સામે તાંડવ કરતાં અને તું દોડીને મારી પાસે આવતી કે આમ થશે તો ? આમ નહીં થાય તો ? અને હું તને મારી સમજશક્તિ મુજબ સમજાવતો , કેમ કે ભવિષ્યમાં આગળ શું આવવાનું હતું તારા ને મારા માટે એ તો માત્ર ઉપરવાળો જ જાણતો હતો .. મને બસ એટલી ખબર હતી કે કોઇ પણ જાતનાં પ્રેશર કે ટૅન્શનમાં તારું ભોળપણ, તારું અલ્લ્ડપણું તું ગમાવી ના બેસે બસ .. તારી અંદરનું બાળપણ , જીદ્દ ,રીસ બસ આ બધું મારે ન્હોતાં ગુમાવવાં કેમ કે એ જ તો છે બધું જે સનાને "મારી સના" બનાવે છે !!

અને હું બિલ્કુલ ખોટ્ટું એ નહીં બોલું .. હા, ક્યારેક અક્ડાઇ એ જતો કે કેમ તું આટલી સંદેહમાં છો , કેમ તારું મન આટલું વ્યાકુળ રહે છે ? કેમ તું આટલાં બધાં વિચારો કરી કરીને ખુદ ને દુઃખી કરે છે અને મને ય !! પણ મને બહુ થોડા સમયમાં જ સમજાઇ ગયું હતું કે દરેક ઇન્સાનને સ્વભાવગત નબળાઇઓ હોય, અને દરેક ઇન્સાન કોઇ ને કોઇ રીતે અધૂરો છે અધૂરો રહેવાનો છે અને આપણે બંને એ એકબીજાની એ જ અદૂરપ તો પુરવાની છે, કદાચ તું સદા આવાં સવાલો કરતી રહે એવું એ બને પણ તું મને સદાય પ્રેમ કરવાની છે એવું એ છે જ ને !!! બકા, બસ એ પછી બહું સહેલું બની ગયું હતું મારા માટે તને તારા કપરાં સંજોગોમાં સંભાળવવી !! હા, તારો ગુસ્સો !!  એટલે જાણે વિસ્ફૉટ !! એક જોરદાર ધમાકો , બધું જ તહેસનહેસ, વેરવિખેર, અંગાર અને છેલ્લે બચે રાખ !! પણ , હા પણ, એ રાખમાંથી તેં ફરી ફરીને ચણ્યો એ સંબંધ .. !! 

એમ ના સમજતી હોં કે હું તારી જ નબળાઇઓ વિશે લખી રહ્યો છું કે તારા જ દોષ ગણાવી રહ્યો છું ...મારામાં એ ઘણી ખામીઓ છે અને તેં મને સહર્ષ એ ખામીઓ સાથે કાયમ સ્વીકાર્યો છે , ઊલ્ટાનું એ ખામીઓને લીધે જ્યારે જ્યારે મને ખુદ પર જ અકળામણ થઇ છે તેં મને એ ખામીઓમાં જ મારું પોતાપણું દેખાડ્યું છે!!

દરેક સામાન્ય કપલની જેમ આપણે ય ઝઘડતાં, બોલતાં , સંભળાવતાં પણ મને બરાબર ખ્યાલ છે કે દલીલો, સવાલો, જવાબો આ બધાંમાં જ્યારે મારો ગુસ્સો પ્રવેશતો ત્યારે તું અચાનક શાંત થઇ જતી , ભલે મારો ગુસ્સો એ રૅરલી બનતી ઘટના છે પણ એ સમય દરમિયાન ખબર નહીં તું એક્દમ સૌમ્ય થઇ જાય છે અને ક્યારેય મારા ગુસ્સા સામે ગુસ્સો નથી કરતી , બોલ, આનાથી રૂડું તો શું જોઇએ મારે ?? હાહાહાહાહાહા ....

સના, સના, સના શું કહું તને કે માત્ર મેં જ તને સંભાળી છે એવું નથી , તેં ય મને મારા કપરા સંજોગોમાં એટલાં જ વ્હાલથી થામી  લીધો છે ... અને રહી આપણાં આ સંબંધની, તો મેં હંમેશા એ જ ઇચ્છ્યું કે તું  quit ન કરે, હું  quit  ના કરું કેમકે એમાં તો તારીમારી લાગણીની હાર છે ... અને તે ક્યારેય quit  ના કર્યું , ના મને કરવાં દિધો ...


બોલ, હજુ શું જાણવાની/વાંચવાની ઇચ્છા છે તને ? મારા સ્વભાવ વિરૂધ્ધ આટલું બધું લખ્યું   મેં એ તો તું સમજી જ ગઇ હોઇશ.. અને હા, તું સાચી છો કે આ અનુભૂતિ એ સરસ છે , તારી જેમ જ !!

ફરી લખજે,
તારી યાદો એ જ મારા જીવનનું સરવૈયું..
love you !

22/01/17

"with love , from Me"

by Farzana Sivani

farzanasivaniblogpost@gmail.com

Tribute to The Captain Cool ...

ધોનીઇઇઇઇઇઇઇઇઇઇઇઇઇઇઇઇઇઇ....... ધોની...

ધોનીઇઇઇઇઇઇઇઇઇઇઇઇઇઇઇઇઇઇ....... ધોની... 

                                                                                                      

 

 

 

girlfriend se raat me baat kar lena, pehle ball fenk de

અમુક લોકો એવાં હોય છે કે જે સમય સાથે વહી નીક્ળે, કોઇ સમય સામે ઝૂકી જાય કોઇ વળી સમયને બદલાવી એ શકે પણ સમયને પોતાની સાથે લઇને ચાલે એવાં જુજ હોય. પોતાની ઇચ્છા, મહાત્વાકાંક્ષા, લાયકાત, મહેનત, સંઘર્ષો મુજબ સમયને પોતાની સાથે કરે એવાં કેટલાં ?? આંગળીને વેઢે ગણાય એટલાં !!!

એવું જ એક નામ એટલે માહી...મહેન્દ્રસિંહ ધોની...કૅપ્ટન કૂલ...MSD…the greatest finisher...

 Udhar Girlfriend nahi hai, idhar aajaa thoda

કોઇપણ વ્યક્તિની સફળતા એની એકલાની નથી હોતી અને ના તો રાતોરાત મળેલી હોય છે.  સફળતાની પાછળ મહેનત, સંઘર્ષો, મૂશ્કેલીઓ, અડચણો, અગવડો, પ્રયત્નો, નાકામયાબીઓ, દુઆઓ, હાથવેંત લાગતી પણ સરકી જતી તકો, મન અને મગજ વચ્ચે ચાલતો આંતર-વિગ્રહ, આસપાસના લોકોની અપેક્ષાઓ, મનમાં ઊઠતી શંકાઓ અને નિરુત્તર રહી જતાં સવાલો, To be or not to be ની ભૂલભૂલૈયા વગેરે વગેરે વગેરે રહેલાં હોય છે.

૨૦ મીટર લાંબી અને ૩ મીટર પહોળી એવી ક્રિકેટ પીચની પાછળ ઊભીને સતત આખી ટીમને પ્રોત્સાહન આપતાં રહેવું, પોતાના performanceની સાથે સાથે આખી ટીમનું performance પણ ઝળકે એવાં લીડર બનવું અને સાથે સાથે એક પણ સફળતાને ખુદ પર હાવી ના થવાં દેવું, This is the real coolness and that’s why he is the captain Cool !!!
ઇન્ટરનેશનલ કારકિર્દી, ટેસ્ટ મૅચીઝ, ODI’s અને T20’s ઊપરાંત IPL મેચીઝ, ધોનીના ટોટલ રન્સ, ટોટલ કૅચીઝ, ટોટલ સ્ટમ્પીંગ્સ, એણે કરેલાં રન આઉટ્સ, કૅપ્ટન તરીકે જીતેલાં કપ્સ, ખેલ રત્ન અને પદ્મશ્રી, આર્મીમાં એને મળેલાં બહુમાનો, એની biopic etc etc etc આ બધું જ google પર અવેઇલેબલ છે દોસ્તો.. એની સ્ટાઇલ, એની રમત, એનાં અચીવમેન્ટસ, એની સ્પીચીઝ, એનાં ઇન્ટર્વ્યુઝ વગેરે વિશે પણ ઘણું બધું લખાઇ-વંચાઇ-છપાઇ ચૂક્યુ છે.  Newspapers અને sports magazines, news અને sports channels, social media  અને bollywood’s “action” આ બધું પચાવી ચૂકેલાં એવાં ઇન્સાનને આજે દિલથી સૅલ્યુટ કરીએ એ માટેનો આ નાનકડો પ્રયાસ છે weJVians blog team તરફથી !!!

 Isko Taarak Mehta daal

એક નાનકડાં અને ઓછા જાણીતાં એવાં શહેરમાં રમતાં-રમતાં ટીમ ઇન્ડીયાની ધરોહર બની જનારો આ શખ્સ અમસ્તા જ આટલો ફૅમસ અને સક્સૅસફૂલ નથી બની ગયો. આગળ કહ્યું એમ જ દરેક જાતનાં ચડાવ-ઉતારનો સામનો કરીને, પોતાના અંતરઆત્માને ફૉલો કરીને, તટસ્થતા, નિખાલસતા અને પ્રામાણિકતાને સાથે રાખીને, સહીને સપૉર્ટ કરીને , ગલતને આઉટ કરીને, ટીમ ઇન્ડિયાની મોટાભાગની સફળતાઓ પોતાના નેતૃત્વ હેઠળ દેશને નામે કરતો જતો આ શખ્સ દિલથી તમારા અને મારા જેવો "આમ આદમી" જ છે.

એને ય એક સામાન્ય ઇન્સાનની જેમ જ બાઇક્સ ચલાવવાનો અને વસાવવાનો શોખ છે, ખાવાનો શૌખીન છે એ અને પોતાની ટપુકડી પરી જોડેનાં પિક્સ પણ શૅર કરે છે એ બિલ્કુલ તમારી અને મારી જેમસ્તો !! He is a complete family man… !!!

Jaadu thoda off main daal, Pujara ko udhar taali bajaane nahi rakhkhaa hai

Interviews દરમિયાન પોતાની  wisdom અને  sense of humourના દર્શન કરાવતો આ Captain cool, શબ્દોથી ઓછા અને પોતાના કામથી વધુ જવાબો આપતો રહે છે. સતત મહેનત અને સંપૂર્ણ ડૅડીકૅશન, લક્ષ્ય તરફ થતી આગેકૂચ, Tough hurdles સામે ટકતું મજબૂત મનોબળ... પછી વાત team selection ની હોય કે batting ordersની MSD is always cool and firm !!! સહી સમય પર સહી નિર્ણયો લેવાની કૂનેહશક્તિ અને પરીણામ જે પણ આવે એનો સ્વીકાર કરવાની ત્રેવડ... કહ્યું ને સફળતા અમસ્તાં જ કદમો નથી ચૂમતી હોતી...

ઝાઝું બધું મેળવી લેવાનો મોહ, પોતાના નામે રેકૉર્ડ્સ કરી લેવાની લાલચ, ૧૯૯ મૅચીઝમાં કૅપ્ટન પદ સંભાળ્યાં પછી જાહેર કરેલી નિવૃતિ (૨૦૦ મૅચીઝનો મોહ જતો કર્યો), આ બધાંથી પરે રહીને, સ્થિતિપ્રજ્ઞતા કેળવીને, ચૂપચાપ પોતાનું કામ કરતાં રહીને, કરોડો દેશવાસીઓની આંખોને ખૂશીથી છલકાવતો આ "માહી" કૅપ્ટનશીપ મૂકે ત્યારે પણ એ કરોડો લોકોની આંખો ભીની થયાં વગર ના જ રહે એ સ્વાભાવિક છે.

ટીમ ઈન્ડિયાના સૌથી વધુ પૉપ્યુલર અને સફળ કૅપ્ટન બની રહેવામાં ધોનીની નિર્ણયશક્તિનો ખૂબ મોટો ફાળો છે. જે બધાંથી અલગ વિચારી શકે અને એ વિચારેલું સફળતાપૂર્વક અમલમાં મૂકી શકે એ જ લોકોના હ્રદયોમાં બિરાજી શકે અને એ માટે જીગર જોઇએ, હિંમતપૂર્વક પોતાના નિર્ણયોને સાચા પુરવાર કરવા માટેની દિર્ધદ્ર્ષ્ટિ જોઇએ.  ૨૦૧૧ વર્લ્ડકપ ફાઇનલ મૅચમાં યુવરાજની જગ્યાએ કૅપ્ટન આવે ત્યારે લોકોને એમાં એનું સ્વાર્થીપણું દેખાય પણ એક કૅપ્ટન તરીકે ઑફ સ્પીનર મુરલીની સામે પોતે રાઇટ હૅન્ડૅડ બૅટ્સમેન તરીકે ઊતરે એ એની સૂઝ કહેવાય કે પછી ICC Champions Trophy 2013માં ફૅઇલ ગયેલાં ઈશાંતને ફરી એકવાર મોકો આપે અને ઈશાંત પણ એનાં વિશ્વાસને સાચો પુરવાર કરે ત્યારે કૅપ્ટન તરીકે પોતે વધુ ઝળકે જ્યારે પોતાના બૉલરમાં વિશ્વાસ રાખીને એને આગળ કરે. રોહિત શર્માની અસ્ત થતી કારકિર્દીમાં એને ઑપનીંગ આપે અને એક સફળ બૅટ્સમૅન બનવાં સુધી એને પહોંચાડે એવો કૅપ્ટન તાળીઓનાં ગડગડાટને માત્ર લાયક જ નહીં પણ હકદાર હોય છે.

sone ka time milegaa

પીચની પાછળ રહેવાં છતાં બધાં જ પ્લૅયર્સ જોડે સતત Co-ordination રાખવું, સતત guidance અને funny commentsથી વાતાવરણ friendly રાખવું, જીતના હકદાર બધાંને બનાવવાં અને હારની જવાબદારી પોતાના શિરે લેવી આ  છે The captain cool !!!

IPL માં match fixing વખતે થયેલાં ઊહાપોહ સામે પણ કોઇ દલીલો કે ખુલાસાઓ આપ્યાં વગર પોતાના કામ પર સતત ધ્યાન કેન્દ્રિત કરીને, પોતાનું અને દેશનું નામ ચમકાવનાર માહીને દિલથી સૅલ્યુટ અને વિદાય...

You will be missed forever as a captain cool , as a great finisher and above all a great person with true sportsman spirit...

blog team
weJvians
weJvians@gmail.com

ગૅટીંગ એ બ્રેકથ્રુ... - Chintan Rajgor

ગૅટીંગ એ બ્રેકથ્રુ... - Chintan Rajgor 

 

 એન્ટરટેઇન્મેન્ટ અરલીઅર વોઝ ફોર જોય...નાઉ ઇટ્સ બિકમિંગ ઍન એસ્કેપીસમ ફ્રોમ સ્ટ્રેસ વિચ કમ્સ અલોન્ગ વિથ યોર ઑવ્ન ઈનહેરન્ટ વોઇસ. વ્હેર ઇઝ એવરીવન્સ સ્પીકિંગ ટ્રી!!!?

 બસ ગોતો એવું કશુંક એન્ટરટેઇનીંગ કે અમેઝિંગ કે રમૂજી જેથી બસ કરંટ સિચ્યુએશનથી છુટકારો મળે. યુ ટ્યુબ, હોટ સ્ટાર કે ઓલું નવું જીયો ટીવી આવ્યું છે એ, બસ આવા બધામાં જ રચ્યાં પચ્યા રહીને દુનિયાભરમાં ક્યાં કેવું ને બધુંજ જોયફુલ કે ક્રિએટિવ થીંગ્સ, ઇવેન્ટ્સ જોઈ લેવા, એની જ ફૅન્ટેસી માં જીવવું સદંતર. પોતાની અંદર સતત શું ચાલી રહ્યું છે એનું ભાન પણ હોતું નથી ઘણીવાર...બસ જીવે જાવ... વ્હેર ઇઝ એવરીવન્સ સ્પીકિંગ ટ્રી!!!?

 બિઇંગ સક્સેસફુલ એન્ડ જસ્ટ થીંકીંગ ઓફ સક્સેસ ઇઝ ઓલ ટુગેધર ડીફ્રેન્ટ થીંગ.. ઓફન વી ચુઝ સેકન્ડ ઓપશન, કારણ સહેલો રસ્તો છે, સફળ થવું કેવું કઠિન થઈ પડે છે, જાણે લીથાર્જીક થઈ જાય ઈંદ્રિયો...એના કરતાં સક્સેસ સ્ટોરીઝ વાંચીને કેવું સરસ મોટીવેટેડ ફીલ થાય..પછી ભલે પોતાની હાલની પરીસ્થિતિમાં કેટલાંય ઇન્એક્ટિવનૅસનાં છિદ્રો હોય, થીંગડા કોણ મારે, એક્સ્ટ્રા કપડું લાગે ભાઈ..સોય ભોંકાવાનો ડર પાછો... એના કરતાં તો બીજાની સક્સેસમાં ઇન્વોલ્વ થઈ સેલિબ્રેટ કરી સ્વયંથી સમાધાન કરવું, કેટલું સરળ છે નૈં..! 

બધુંય હક્કા નૂડલ્સ જેવું સ્મૂધી, શાઇની ને ટેસ્ટી લાગવું જોઈએ. વખત જતાં ભલે અપચો થાતો.. ડિસ્અડવાંટેજ ઓફ અરલીઅર સક્સેસ ઇઝ ધેટ યુ હેવ ટુ કેરી ઇટ, હેન્ડલ ઇટ. માનો યા ના માનો પરંતુ સફળતા કદાચ મળી પણ જાય પ્રથમ પ્રયાસમાં. એ પછી સક્સેસનાં સ્તરનું પર્ફોમ કરવું, એ સ્તરનાં વ્યક્તિ થવું વધું અઘરું થઈ પડતું હોય છે. આવનારી ટેસ્ટ સિરીઝ કરૂણ નાયર માટે બેટલ ફોર રાઇઝિંગ જ પુરવાર થવાની. ગૅટીંગ એ બ્રેકથ્રુ ઇઝ નોટ સૉ ડિફીકલ્ટ ટાસ્ક.. યુ ગોંના મેક ધીસ હેપન. બટ વન્સ રીચિંગ ધેર, વેધર યુ આર અચીવિંગ ધેટ હાઇયર લેવલ ઓફ સ્ટેડીસ્ટેટ ઑર નોટ ઇઝ ધી અલ્ટીમેટ ટાસ્ક વિચ મે મેક્સ યુ કોહલી ઑર કામ્બ્લી.. 'વિરાટ' બનો નહીં તો ઝીંદગી નો 'વિનોદ' થઇ જાશે..!!! (ધે બોથ હેડ ઇનફ ઑફ એન્કરેજિંગ, મોટીવેટિંગ સોર્સ ઈન દી ફોર્મ ઓફ સચિન, વ્હુ સ્ટૂડ બાઈ ધેર સાઈડ... પરંતુ ઇફેકટિવ યુટીલાઈઝેશન ઑફ ધેટ ડિવાઈન પાવર, પ્રુવ્સ કે તમારી સફળતા અમસ્તાજ નથી મળી.. યુ થરાઈવ્ડ ફોર ઇટ. ડીગ્ડ સૉ ડીપ.. ત્યારે મહામહેનતે મળી છે.. યુ મસ્ટ લિવ અપટૂ ઇટ..)

 હંમેશા ખુદ ને સવાલ કરો "વ્હોટ ઇઝ નેક્ષ્ટ્" આગળ ની મારા જીવનની રાહ કેવી હોવી જોઈએ, જીવન નિર્વાહ માટે..? "ઇટ્સ યોર લાઈફ મેક ઇટ લાર્જ". સોચો ક્યારેક. એવું નથી કે સફળ થયાં પછીજ આવી શાણપણની વાતો થાય. બીજાનાં ક્વોટ્સ વાંચવા કરતાં, તમે તમારા એકાદ રેન્ડમ થોટ ને આખા સમાજ માટે ક્વોટમાં પરિવર્તિત કરી લ્યો એજ ખરી સફળતા. 

એટલુંય ક્યાં થાય છે જ્યારે આપણે જ આવા વન લાઇનર્સને જીવનસૂત્ર ન બનાવતાં માત્ર 'સ્ટ્રેસ રિલીવિંગ ડોઝ' બનાવી દીધાં છે. ઉચાટ ગઈ ને વાંચીને. સકારાત્મક લાગવા માંડ્યું બધું, બસ વળી પાછા 'બેફિકરે' અબાઉટ લાઈફ. ફસાયા ફરીથી જો એવી સિચુએશનમાં તો દલાઈ લામા ઑશો ને srk તો છે જ, ગૂગલ અને સોશ્યિલ મીડિયા પર... ગરમાગરમ ફાફડા ને જલેબીની જેમ જ એમનાં ક્વોટ્સનાં ગ્રાહકો રેડી જ હોય છે લાઈન લગાવીને. પછી શું..લાઇકવાનું, શેરવાનું. ને હાંજ હુધીમાં તો હંગીયે નાખવાનું... 

એક વાત ન સમજાય કે સાલું પરિવર્તન માટે જેટલો પુરુષાર્થ જોઈએ એટલો બધો જમા કરી ઍક તારીખ નક્કી કરે. કાં તો વાર તહેવાર ને સ્પેશ્યલ ઇવેન્ટની રાહ જોવી, કેટલું વ્યાજબી છે?? 'આ "થટ્ટીફસ્ટે" જે પીશું એ છેલ્લી આપણી. પછી સાવ બંધજ કરી નાંખવી છે, નક્કી છે આપણું..' આવી તો કંઈ કેટલીય આખર તારીખો આવી.. લાસ્ટ મહેફિલો જામી..દર વખતે છેલ્લી વખત. 'સિગરેટ તો હું ડ્રિન્ક વખતે જ લાઈટ કરું છું બસ...' કોઈ પર્ટીક્યુલર કોર્સ કરવો છે તો એ પણ "આવતે મહીને કરીશ.. હમણાં આ મગજમારી પતે એટલે શાંતિથી કરીએ.."

 વળી, કોઈ બેન સાથે એવુંય થાય કે ક્રિસમસ ટ્રી બનાવવાનું હોય ઘરે, દીકરીનાં સ્કૂલનાં પ્રોજેક્ટ રૂપે...એનાં રિલેટેડ વીડિયો બ્લોગ સર્ચ કરતાં કરતાં ધ્યાન જેવું 'જગ્ગા જાસૂસ' ના ટ્રેલર પર ગયું એટલે પત્યું.... પછી તો રઈસ, દંગલ, જોલી LLB2... પ્લેલિસ્ટ લાંબી થતી જાય ને વિચારો ઑટો પાયલોટ મોડમાં...ને "ટ્રી" બને સંક્રાંત સુધી... ખરેખર તો તકલીફ એ છે કે વી લવ ટુ બી ઈન ફ્યુચર રાધર ધેન ક્રેએટિંગ ઇટ. 

સફળ થવા માટે બકા.., વાતાનુકૂલનનાં ઉપકરણમાં ઘુસીનેય પછવાડે પરસેવો રેલાવો પડે...' પણ એ તો નો થાય આપણાંથી. લાંબે અને પ્રિડિટર્માઇન્ડ ડેસ્ટિનેશને પહોંચવું હોય તો હાઈ વે પકડવો પડે. એનાં પચ્ચીસ જાતના રુલ્સ પણ ફોલૉ કરવા પડે. બેફામ રાઈડ કરવું હોય તો તમને તમારું ગામ જ ભલું, બાહર ના નીકળો..બી કેલ્ક્યુલેટિવ ડિટર્મિન્ડ..."થાશે..? કૅલીબર છે..?" તો જ એને લક્ષ્ય બનાવો. ખાલી ખોટા શેખચલ્લી વેળા નઈ કરવાનાં. 'લાઈફમાં આમ કરીશ, પેલા ભાઈ જેવો બનીશ....'ભઈલા જે લાઇફનો ખયાલ આવી રહ્યો છે, એ છે તો આજ ને. આ જ ક્ષણ...આજ છે લાઈફ, ને હમણાં વાસ્તવિકતા એ છે કે "તું કંઈજ નથી...." એક જોરદાર 'કિકઍસ' - 'ડિયર ઝિંદગી' તરફથી. તોય "નવ સમજ્યો દાનવ અલ્પ મતી" ની જેમ બીજાને સફળ થતાં જોતાં વેંત રઘવાયો થશે 'કેમ કરી ઉભું કર્યું આવડું મોટું સામ્રાજ્ય. એય કોઈની મદદ લીધાં વિના..!! ક્યાંક તો જોલ છે..(આવા ડોબાઓએ એટલીસ્ટ પ્રાથમિક શાળાની ચાર લાઈનો પણ જીવનમાં ઉતારી હોત કે માત્ર સાંભળી પણ હોત તો 'શૂન્યમાંથી સર્જન' - નો ખરો અર્થ ખબર પડી જાત.) છે જોલ, પરંતુ એમનામાં નહીં કે જે સફળ થઈ ગયાં, બલ્કે આવી જટીલ માનસિકતા ધારાવનારાઓમાં. માત્ર એટલું સમજાય ને એવા લોકો ને કે 'એ બધાં મારા જેવા નથી એટલે સફળ છે!!! બસ એવું ઇન્સલટિંગ ફીલ થાશે કે બધાં કામે લાગી જાશે. ધે વિલ અલસો ગેટ અ પાથ ઓફ ધેર લાઇવ્સ.. યસ..પાથ ઓફ લાઈફ, નોટ અ ડેસ્ટિનેશન ઑફ ઇટ...કોઝ ઇટ્સ ઑન્લી થીંગ ધેટ્સ અંડર અવર ફીટ.. વિધીન અવર કંટ્રોલ... ડેસ્ટિનેશન ઇઝ ઓન ડેસ્ટીની... બટ, ડેસ્ટીની કમ્સ ઑન્લી ઈન્ટુ સિનારિયો વેન વી સ્ટોપ ટ્રાઇંગ...

Chintan Harshad Rajgor.

prachin10@gmail.com

જય હો!

જય હો!

 

"ज़िन्दगीमें आपका लास्ट परफॉर्मंस इम्पोर्टेन्ट है, पास्ट परफॉर्मंस नहीं।"

 

આ ન્યુયર પર, ભારતના દરેકે દરેકે નાગરિકે જીભ પર કોતરાવી રાખવા જેવું આ વાક્ય છે. ભારતના એટલે લખ્યું જે આપણી બહુ બધી એનર્જી ભૂતકાળની મહાનતાની ગાથાઓ ગાવામાં, સંસ્કૃતિના વગર સમજયે માત્ર ને માત્ર વખાણ કરવામાં, ન હોય એવી વાતોને ટ્વીસ્ટ કરીને ખોટા મહાનતાના મિથ્યાભીમાનમાં જ વેડફાઈ જાય છે. અને પછી વર્તમાનમાં કરવા માટે શુ હોય છે? બાબાજી કા ઠુલ્લુ ! જરા વિચારો, આ મહાન વારસો ક્યારે રચાયો હશે?! એ ભૂતકાળના લોકો ય આપણી જેમ એમના ભૂતકાળના વખાણ કર્યા કરીને વર્તમાનમાં ડફોળોની જેમ બેઠા રહ્યા હોત, તો આપણા પાસે એમની ગાથાઓ હોત? કૃષ્ણ રામાયણ સાંભળીને બેસી રહ્યા હતા? બેસી રહ્યા હોત તો એ કૃષ્ણ હોત?

"जो लोग अपने पास्टमें खो जाते है, वो राजेश खन्ना बनते है, जो लोग अपने लास्ट में खो जाते है, वो अमिताभ बच्चन बन जाते है।"

ચોટદાર વાક્યો અને ઉદાહરણો છે.

કોના છે? કોણે લખેલા છે?

આ એ માણસના વાક્યો છે જેના કારણે આ બ્લોગ રચાયો છે. WeJViansના હૃદયમાં, મધ્યે JV છે. જય વસાવડા.

યસ, જય વસાવડાના આ વાક્યો છે.

આ વાક્યો, જય વસાવડાની એ સ્પીચમાંથી છે, જે સ્પીચ આપ સહુ, જય વસાવડાની નવી યુ ટ્યુબ ચેનલ "Planet JV" પર સાંભળી શકશો. હા, નવી ઑફિશયલ યુ ટ્યુબ ચેનલ. ફાઇનલી, JV એ પોતાની સ્પિચીસ માટે, વિડિયોઝ માટે કેટલાય વાંચકોની વિનંતીઓ ધ્યાનમાં રાખી, કંઈક ઑફિશિયલ ઓનલાઈન શરૂ કર્યું છે. ચિયર્સ. અને એ લોન્ચ થઈ રહ્યું છે, આ બ્લોગ દ્વારા, WeJVians દ્વારા પ્રથમવાર! ડબલ ચિયર્સ! 

મુંબઈના સન્મુખાનંદ હોલ ખાતે 2012માં યોજાયેલા નેશનલ લેવલ સેમીનારમાંની આ સ્પીચ હિન્દીમાં છે. મોટિવેશનલ, ઇન્સ્પાયરિંગ  સ્પીચ છે. હવે, JV કેટલા સારા સ્પીકર છે, એમનાથી કેટલા લોકો ઈંસ્પાયર થયા છે, એ બધું અહીં લખવાની કોઈ જરૂર ખરી!? જરાય નહીં, પણ અહીં એક અલગ વાત રજુ કરવાની જરૂર લાગે છે. અત્યારે મોટિવેશન એક બિઝનેસ છે. કોઈપણ અલેલટપ્પુ, ચંપુ થોડીઘણી સારી માસ કમ્યુનિકેશન સ્કિલ્સથી મોટિવેશનલ સ્પીકર બની શકે છે. સલાહો આપવી એ દુનિયાનું સૌથી સહેલું કામ છે! અને હવે તો એ આપવાના પૈસા મળે છે! તો જય વસાવડા આવા બીજા ઠાલા સ્પીકરોથી અલગ કઈ રીતે છે? વેલ, બે જાતના સ્પીકર્સ હોય છે: એક સંન્યાસ લઈને કૃષ્ણકથા કરનારો બાબો અને બીજા ખુદ કૃષ્ણ! એક બિઝનેસની વાતો કરનારો ફાંકોડી અને બીજો ખુદ તૈયાર થયેલો બિઝનેસમેન! એક માત્ર ખાદીને ફોલો કરતો ફેઈક ગાંધીવાદી અને બીજા ખુદ ગાંધી! એક મોટિવેશનની માત્ર વાતો કરતા સ્પીકર્સ અને બીજા જેમની લાઈફ ખુદ એક મોટિવેશન હોય એવા લોકો! દલપતરામ લખી ગયા:

"પોલું છે તે બોલ્યું તેમાં કરી તેં શી કારીગરી ?

સાંબેલું  બજાવે  તો  હું  જાણું  કે તું શાણો છે.”

જય વસાવડા ઉપર કહ્યા એમાંથી બીજા ગ્રુપમાં આવે છે. એમની માત્ર સ્પીચ ઈંસ્પિરેશનલ નથી. એમની આખી લાઈફ ઈંસ્પિરેશનલ છે! એટલે જ એ માત્ર મોટિવેશનલ સ્પીકર નથી. એ માણસ લાઈફની ચૅલેન્જિસ સામે લડીને ઝઝૂમતો અને જીતતો માણસ છે! અનુભવો ઊંડાણ આપે છે. આ અનુભવે, જિંદગી ધાર પર જીવીને આવેલું ઊંડાણ છે એમનામાં. એટલે એ "ખાલી" મોટિવેશનલ સ્પીકર નથી. "લાઈફ કોચ" છે. સાંબેલું વગાડવાની ક્ષમતા રાખે છે. પોતાની ટર્મ્સ મુજબ જિંદગી જીવવાની હિંમત રાખે છે. એમના વિશે ન વાંચ્યું હોય એમણે જરા ખણખોદ કરીને વાંચવું. અને હવે, ઑફિશિયલ ચેનલ પરની આ સ્પીચમાંથી કેટલાક બાઇટ્સ:

"कहा जाता है कि हस्बैंड इज़ हेड ऑफ़ फेमिली। बट वाइफ़ इज़ नेक, धेट मूव्स ध हेड़।"

"सबसे पहला फ़िमेल साइकोलॉजिस्ट जो था वो था रावणका मामा मारीच।"

"महोब्बतमें जो फंडा लागू होता है, वही मार्केटिंगमें भी लागू होता है।"

"हम (बाज़ारमे) प्रोडक्ट खरीदने नहीं जाते, हम अपने प्रोब्लेम्सका सॉल्यूशन खरीदने जाते है।"

"अगर आपको महोब्बत करनी है तो आपको हिम्मतभी करनी होगी।"

"हमारी सबसे बड़ी प्रॉब्लम है डर...सबसे ज़्यादा लोग (दुनियामें) खटिया पर मरते है, बेड़ पर मरते है। लेकिन रातको हम चैनकी नींद वहीँ पर जाके सोते है...क्योंकि हम डरते नहीं उस वक्त।"

"जवाब तो गूगल के पास भी है, सवाल होना चाहिए अपने पास।"

"हम चाहे 75 लाख़की गाड़ीमें, 1 करोड़की गाड़ीमें, औड़ीमें, BMWमें जाए सेंटरपे, पर हमें अगर रास्ता मालूम नहीं है, तो एक वो फटा हुआ कपडा पहना हुआ, 12 सालका बच्चा कहेगा कि चलो मेरे पीछे चलो, मैं आगे जाके बताता हूं कि हॉल (जगह, सेंटर) कहाँ है... जो जानता है वो आगे चलता है और जो नहीं जानता उसे पीछे चलना पड़ेगा।"

આ બધી બાઇટ્સ ચાખીને આખે આખા થ્રી કોર્સની મજા માણવી હોય તો સાંભળો જ સાંભળો આખી સ્પીચ.
 

છેલ્લે એક વાત કહેવી છે, અહીં સ્પીચમાં JVએ એક વાત કહી છે: "यु केन इंस्पायर योरसेल्फ। क्यों हम अपेक्षा करते है कि कोई आके हमें सपने दिखाए और हम पूरे करे। हम खुद सपना देखे।"

આ જ વાત, હમણાં, સન ફાર્માસ્યુટિકલ્સના MD દિલીપ સંઘવીએ એક મિટિંગમાં કહેલી જ્યારે એક એમ્પ્લોયીએ એમ્પ્લોયી મોટિવેશન પ્રોગ્રામની વાત કહી. એમણે કહ્યું,

"I can not inspire you. You only have to inspire yourself." સન ફાર્મા, ભારતની સૌથી મોટી ફાર્મા કંપની છે.

Great men share thoughts !

અને છેલ્લે, આ રહી લિંક, જય વસાવડાની ઓફિશિયલ યુ ટ્યુબ ચેનલ, Planet JVની લિંક, WeJVians માટે ન્યુયર ગિફ્ટ:

https://youtu.be/4-5BPMIgsJw

~ બ્લોગ ટીમ WeJVians

શિયાળો – બાપ રે બાપ ઠંડી તો જોવો!

શિયાળો – બાપ રે બાપ ઠંડી તો જોવો!~ અંકિત સાદરીયા 

આમ તો બધા શિયાળાના બોવ વખાણ કરતા હોઈ છે. શિયાળો એટલે બેસ્ટ ઋતુ, તાજા શાકભાજી મળે, આરોગ્ય સારું રહે, કસરત કરીને શરીર મજબુત બને વગેરે વગેરે.. પણ સાચું કહું તો શિયાળો સહુથી બકવાસ ઋતુ છે. (શિયાળા પ્રેમી જનતાએ હળવાશથી લેવું)

શિયાળો – બાપ રે બાપ ઠંડી તો જોવો!

ન્યુ કપલ માટે તો ઠીક છે પણ બાકીનાંઓ તો ૨ કે ૩ ધુસા અને ગોદડા ઓઢે તો પણ રાતે નાં મેળ આવે. સાલી ઠંડી ક્યાં ખૂણેથી ગોદડામાં ઘુસી જાય એ જ નાં સમજાય. કુક્ડું વળીને જેમતેમ કરીને માંડ માંડ ઊંઘ આવે. અધૂરામાં પૂરું રાત પણ સાલી જલ્દી પડી જાય. રાતે આવી ઠંડીમાં એકલા એકલા કરવું શું સાલું ! એમાં પણ ક્યારેક તો એવી ઠંડી પડે કે હાર્ડ ધ્રુજાવી નાખી. ગરમી નો લાગે એટલે પંખા, કુલર એસી વગેરે ઉપાય છે પણ ઠંડી માટે તો સાલું ગોદડા ઓઢવા સીવાય કાય નાં થાય. (તાપણાનું નામ કોને લીધું ? ઊંઘ માં કેમ તાપવું ? )

લોકો કહે છે કે શિયાળામાં કસરત કરવાની મજા આવે, શરીર મજબુત બને. સાવ સાચી વાત કસરત તો ચાલુ થાય અને કસરત કરીએ તો મજા પણ આવે. પણ સાલું કસરત કરવા માટે સવારે ઉઠવું કેમ? ગમે એમ કરો સવારે ઊંઘ જ નાં ખુલે અને કદાચ ઊંઘ ઉડી પણ જાય તો પથારીની બહાર નીકળવાનું મન જ નાં થાય! શિયાળો આવે અને હોંશ હોંશમાં કસરત ચાલુ પણ કરી દઈએ તો પણ એકાદ અઠવાડિયા માં તો બાળમરણ થઇ જ જાય. ઉલટાનું ભૂખ વધુ લાગે અને અડદિયા ખાઈ ખાઈને વજન ડબલ થઇ જાય. અને પાછો દિવસ ટૂંકો ને રાત લાંબી, આખી રાત આળસુ પાંડાની જેમ પથારીમાં પડ્યા રહેવાનું.

તાજા તાજા શાકભાજી આવે એ સાચું પણ ફળો નું શું? ફળમાં શું આવે ? ચણીયા બોર? (જો કે મને ચણીયા બોવ ભાવે હો! ;) ફળોનો રાજા કેરી તો ઉનાળામાં જ આવે ને. એક તો ઠંડી એવી હોઈ આઇસક્રીમ કે ગોલાની ઉનાળા જેવી મોજ નો આવે. ઠંડાપીણા, લીંબુ શરબત તો છોડો અરે છાસ પણ પીવાનું મન નો થાય. કૈક આડુઅવડું ખાવ તો તરત શરદી થઇ જાય. નાકમાંથી લસ્સી નીકળવાનું ચાલુ થઇ જાય અને આખી દુનિયા ગંદી અને ગોબરી લાગવા માંડે. અને ઉધરસ અને કફ થઇ જાય તો તો સાલી દુનિયા જ એક માયાજાળ લાગવા માંડે.

સૌથી ખરાબ પાર્ટ છોકરીઓના કપડા! ઉનાળા અને ચોમાસામાં મસ્ત ફૂલઝરની જેમ સેક્સી કપડામાં આંટા મારતી છોકરીઓ શિયાળો આવતા જ ઢંકાય જાય. નો શોર્ટસ, નો વનપીસ, જીન્સ, જેકેટ અને મફલરમાં આખી બ્યુટી જ ઢંકાય જાય. અને કદાચ એટલે જ શિયાળામાં ઠંડી વધી જતી હશે!

હાલો, મારી ઉનાળાવાળી પોસ્ટવાંચવા અહી ક્લિક કરો.
મારા અસ્તવ્યસ્ત સેક્શનની બધી પોસ્ટ્સ વાંચવા અહી ક્લિક કરો  
-અંકિત સાદરીયા
(www.ankitsadariya.in)